Galaatiya 4:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Orey goorat atin Waakh ma garattaane, wahanyeyyohoo rumanka Waakh ieheynane bowꞌdaticho eheet.

Galaatiya 4:8 ပူးပေါင်းရင်းမြစ်များ

Yoohana 1:10

Us harratane kijire. Chiꞌ usu ka walah tuumman lasoouume laka, ꞌdooꞌdi harrata eti us yahe ma aban.

Hilassi Ergaano 14:12

Barnaba magah ibahcheene, Seewus yidaaheene, Baawulo la usu gon yeyyeede, Hermes yidaaheen.

Hilassi Ergaano 17:23

Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.

Rooma 1:23

Ichohi kootte weynaanti Waakkhi jirtuu iumaatan wahtaan ka, iyookkoyyohi enenyeti yamuut ommos chimbiro ommos binahi sohti ommos binahi uur il kajiito wahteen.

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.

1 Koriinto 12:2

Geeddi atin Waakh igaran, saggi ambaaw atin liiwoye ka atin liibaabiiche, atin iyookkoyyohi af laa iwahatteen, a garattaan.

1 Koriinto 8:4

Maantaka ayta gololi iyookkoyyohi waakkhakh lakayeessi liisoorriyooche layaham ka, saggi iyookkoyyoha harrata ka Waakh ieheynan a garanna. Saggi Waakkhi rummaate jiro la koo kalday on iyahe a garanna.

Galaatiya 4:3

Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

1 'Dessaloonika 4:5

Iꞌdi ꞌdooꞌdi Waakh igaranne eti tuummane icho argaan ichohi leeurꞌdo imoono iitaahana.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

1 Beetero 4:3

Goorat ꞌhor jiroti atin jirteen ka wihi ꞌdooꞌdi Waakh igaran yeelo goosseene geeddi deer yeesseen. Wihi atin yeesseen a iꞌdi maanta sohoꞌddarri ichoow suujoonki liimoono ichoow meleefu. Wihi addan a daawohi biꞌdirenye enenyet sohoꞌddarri kalugꞌdo ichoow wahnaanki suujenye iyookkoyyohi waakkhakh lakayeessi lawahti.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.