Galaatiya 4:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,

Galaatiya 4:4 ပူးပေါင်းရင်းမြစ်များ

Mattaayo 1:23

“Inanti mejel igaran a uurowta, inankoo dessa. Magahiis la Emmaanuwel iche layadeeh.” Iꞌda ka mehe leessa ya, “Waakh a inno leejira.”

Mattaayo 3:15

Iꞌdaasenyi Yeesso wihi us ilaabe, “Toolla iꞌda on a titaahe. A mujjum chiꞌinno iꞌda yeello, ꞌdee mali fissane Waakh buuhinno.” Yoohana ꞌdeerka wihi Yeesso iyidah ayyiche, baattissiye.

Mattaayo 5:17

“Kol an harra imiyye ꞌdee Amurre ommos wihi ꞌdooꞌdi Waákh íyeyyeedo enenyet abcho baabiicho akoogeynana. An baabiin ma imaatane, iꞌdaasenyi a imiyye wihi icho enenyet abchaan buuhicha.

Marko 1:15

Wihi us yidah, “Il kola a yitah! Dakhi Waakh kola a soodowwaate! Uskeeliin kasoonokhda, Wora Haaggane ani atin idowo rummeesda!”

Luuka 1:31

At a uurowta, inankoo dessa, magahi at ibihisso la a Yeesso.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Luuka 2:7

Maariya la huuratiche ka inankoo desse, darfo kaayyuubte, ꞌdari haanki hoolaat lakachibo goya kareeyisse. Iꞌdi tahe looj ka meel a waayeen.

Luuka 20:44

Dawuud rubeytiis usu Kamure kawaha, saggoh ꞌdeerka Ki Lasubhe hiiy Dawuud iyahe?”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Hilassi Ergaano 1:7

Yeesso la icho mehe iyidah ya, “Aabbaheey antohiissa on ka maan ichoow chirri walah dakkhan yateehiin gooche. Atin mee maanti icho yateehiin abattaan.

Rooma 1:3

Weeliissa miinsanyahe, ulla a Yeesso Kiriistohi Kamureene. Sartiis la a sarti weeli enenyete, ulla hiiy karnati Dawuud layadeehe kayimiy.

Rooma 15:8

A mehe wihi an atin icheeko, Kiriisto falfati yaafohi Yaꞌhuude khandiiti iche yitah. Falfatichoti us yitah ka la, saggi Waakh liikakhuufo us ayyinti us aacchinyeteenti oraat igooche irummaache iche tusa.

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Efeesso 1:10

Mala la a ki maanti ibeenneti labuuhicho titah layeelo, ꞌdee wihi lasoouume tuummane serey kijiro ichoow harra kijiro us matakkoo kalday iliche gesso, matakkaas la a Kiriisto.

Kolossaay 2:14

Waakh khadaabi mogti uskeeleen kachiiranyahe a hiyyaaye. Khadaabaas wihi tuummane amurre inno kaꞌdoonto inno yeelin iubaaꞌdane kijira. Waakh wahaas a inno kabahche, massalaaba kahide.

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Ibiraaniya 2:14

Nyaakhutaas iꞌdaas us yadeeh u, a weeli enenyete sar ichoow diig khabo gone, Yeesso laka uummanki weeli enenyete inno leegisme. Iꞌdaas ka omoottiis ka Seytaanki enenyet omoot ikeeno miigtiis tuumman bar a tire,

Ibiraaniya 9:10

Ayyinti oraat wihi iche miinsantahe, a daawohi wihi layaham ichoow wihi ladamo ichoow enenyeti isdikho on. Wahanyeyyoha enenyet lakaꞌdoono la sarti kharaat kaldaye miinsanyahiin. Waha la a laraaha one ichoowka Waakh walah tuumman husubnaacha.

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

1 Yoohana 4:2

Saggane eti Rubeyti Waakh khabo iabattaan. Eti tuummane rubeytiis woyto Yeesso Kiriisto uummanki weeli enenyete kayimiy cheeko, Waakhe kayimiy.