Galaatiya 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Galaatiya 4:3 ပူးပေါင်းရင်းမြစ်များ

Mattaayo 11:28

Kaaleya ani iamiita, atinhi tuummane geeddi atin huleesi nool siꞌddaan on kuranteen. An a atin naschaa.

Yoohana 8:31

Yeesso wihi us ꞌdooꞌdi Yaꞌhuude usu rummeeste iyidah, “Chirri atin wori an atin abche khucchissaan, atin rumanka a abattitaaya.

Hilassi Ergaano 15:10

Toollaka a iꞌdoh Waakh kajme igelissaane, huleesi aacchinyeteen ommos inno iubaaꞌdan, abatti adah ikarartaan?

Rooma 7:14

Inno tuumman saggi amurre Muusa Waakh ikatimiy a garanna. Iꞌdaasenyi ꞌdabakkhi weeli enenyete an khabo Waakh ma kayamiite, ani iꞌdi bowꞌduu uskeele liiororiche.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

2 Koriinto 11:20

Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on.

Galaatiya 2:4

Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Galaatiya 3:19

Amurre Muusa ꞌdeerka mehe liisoobahcheey? Jeenteti Waakh liidaagiwwaaye iche lakasookhaye ichoowka weel nyaakhut nyaakhut Aburaaham ki goorat Waakh ayyintaas ka yeele yimiy. Waakh herti Waakh ka amurretaas a chuukhe. Muusa la Waakh ichoow ꞌdooꞌdi Yaꞌhuud dahcho gele, ꞌdooꞌdaas amurre ikeene.

Galaatiya 4:2

Geeddi ibeenki aabbahiis igooche sooyateeh, weel ꞌdooꞌdi aabbahiis dahanohicho gesse ichoow ki wihiis yaakhicho iche ilicho kijira.

Galaatiya 4:24

Wahanyeyyoha iꞌdi iyookko liikhaata. Oboorriha a iyookkoti ayyinti lammeenye Waakh rubeytiis on weeli enenyet igooche. Haagar ayyinti Waakh Hali Sinnaay ka gooche itolossa. Nyaakhuti ayyintaas raaho iche desse la a iꞌdi bowꞌda.

Galaatiya 4:25

Haagar Hali Sinnaaye ili Araabo kijiro iche itolossa, toro la ilkerengeetti weene Yeerusaleeme weyꞌdane itolossa. A mehe nyaakhutiche khabtaayi iche a bowꞌda.

Galaatiya 4:31

Maantaka, ꞌdooꞌd Kiriistokaaw, inno nyaakhuti aranti bowꞌdee menye, a nyaakhuti aranti furan.

Galaatiya 4:8

Orey goorat atin Waakh ma garattaane, wahanyeyyohoo rumanka Waakh ieheynane bowꞌdaticho eheet.

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Kolossaay 2:20

Atin Kiriisto a leetumaateene toro miigti suujenye harrata a atin lakasoofure. A iꞌdoh toro saggi ꞌdooꞌdi harrata ikajirtaane amurreta iꞌdee iraahtaan?

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Ibiraaniya 5:12

Atin geeddi deere ꞌdooꞌd Kiriisto eheet. Kootte geeddee ka, atine ꞌdooꞌdi addan walah abissaan. Iꞌdaasenyi, atin laka toolla wihi Yeedi Waakh ka kolooraat lakasooumho, iche eti atin abcho ꞌdoontaan. Wihi Waakh miinsan ka, atin uliba a iꞌdi nyaakhuti gololi miige ohom iubaaꞌdane, haanu kalday on damo.

Ibiraaniya 7:16

Ulla jeenteti us amura usuhi hiiy Laawi kayamiit iꞌdoono ibuuhiche kuhaani ma itaahane, iꞌdaasenyi jeenteti miigtiisti jirotiisti jirtuu imassanne kuhaani iyitah.