Galaatiya 4:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a?

Galaatiya 4:21 ပူးပေါင်းရင်းမြစ်များ

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Yoohana 15:25

Iꞌdaasenyi waha toolla a yateehiine, wihi Amurreticho lakachiire labuuhicha, ‘Walah an yeele icho ikaꞌdiiꞌdaan mele.’

Yoohana 12:34

Urur la wihi us iyidah, “Amurre Muusa ka, Ki Lasubhe jirtuu tuumman a inno leefiddiya iche daagne. Saggoh ꞌdeerka ‘Ínam Aadam serey a liiokkhicha’ itadeeh? ‘Ínam Aadamha,’ a ayyo?”

Yoohana 10:34

Yeesso la wihi us icho ilaabe, “Amurretiin rubeyche ka mehe chiiran ya, ‘Waakh mehe yidah ya, atin a waakkhakh.’

Luuka 16:29

“Aburaaham wihi us ilaabe, ‘ꞌDooꞌdiin, a geeddi us amurre Muusa ichoow wihi ꞌdooꞌdi Waákh íyeyyeedo chiire soomo, icho la wihi liidowo on a daageen.’

Marko 10:3

Yeesso wihi us ilaabe, “Muusa amuri us atin siiche mehe yadeeh?”