Galaatiya 4:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Weyti haaggantahe chirri wohoo laꞌdoono, chiꞌ wihi at ꞌdoonto on haagganyahiin. Toro la kol dakkhan waha a rum chaꞌan atin leejiro kalday on menye.

Galaatiya 4:18 ပူးပေါင်းရင်းမြစ်များ

Yoohana 2:17

Abattitiis waha chiiran kasooꞌhesse, “Kamuraaw, ꞌdooninti an minkaah ꞌdoono, weyti buurtahe ichoowka a ikhaatta laka.”

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

Galaatiya 4:13

Saggi atin igarattaan u, jeenteti an iꞌdarsade iche kolooraat Wori Haaggan atin icheeke.

Galaatiya 4:17

ꞌDooꞌdaas amurreti Yaꞌhuud atin ihosso weyti ichohi ankicho atin ilaabo ꞌdoonaane, iꞌdaasenyi wihi icho yeelin ꞌdoonaan ma haaggan. Wihi icho ꞌdoonaan tuumman a seleyhi icho inno bahchaane, ꞌdee atin laka icho weyti raahin ꞌdoontaan.

Galaatiya 4:20

Kootte incheenka toolla a atin leejira, ꞌdee hol ka ma atin leeyyeedo. A mehe an a atin kamalala.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.