Galaatiya 4:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Saggi atin igarattaan u, jeenteti an iꞌdarsade iche kolooraat Wori Haaggan atin icheeke.

Galaatiya 4:13 ပူးပေါင်းရင်းမြစ်များ

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

1 Koriinto 2:3

Maanti an atin iimiy an a ꞌdarneete toro la weyti hamar kaseehe jeenteti an roorro ikhabuu.

2 Koriinto 10:10

A mehe ꞌdooꞌd gaasoo mehe essa ya, “Khadaabbetiis yeedi huleesenye toro miigenye kijira, iꞌdaasenyi chuꞌus inno leejiro us a ꞌdaranyahe yeediis laka walah us yahe mele.”

2 Koriinto 11:30

Chiꞌ anihi eylajo rumanka laꞌdoono, wihi an keeylajo a wihi ꞌdarriteey tuso.

2 Koriinto 11:6

Kolossoo an eti af kaatah mee. Eheetteey laka an wori Waakh a garda, ꞌdow ka la, jitat tuumman ichoow walah tuumman ka wahaas a atin tuse.

2 Koriinto 13:4

Iꞌdi tahe maanti usu lakaahe rumanka iꞌdi weeli enenyet u a ꞌdarneet. Iꞌdaasenyi us miigti Waakh ka a jira. Saggaas on u, nahi Kiriisto ka wohoo kaldaye ꞌdarritiis a leegisanna, iꞌdaasenyi miigti Waakh ka, usu a leejirra.

Galaatiya 1:6

Ani a atin kagirmeesda! Atin saggoh Waakkhi haag Kiriistoki buurenye inno imunneynan ka atin wahe dowwa on ikaguurteene, woroo addane haaggane atin laabche iraahteen?

Galaatiya 4:12

ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.

Galaatiya 4:14

Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa.

Galaatiya 4:18

Weyti haaggantahe chirri wohoo laꞌdoono, chiꞌ wihi at ꞌdoonto on haagganyahiin. Toro la kol dakkhan waha a rum chaꞌan atin leejiro kalday on menye.