Galaatiya 4:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.

Galaatiya 4:12 ပူးပေါင်းရင်းမြစ်များ

Hilassi Ergaano 21:21

ꞌDooꞌda wihi at ꞌdooꞌdi Yaꞌhuude yaafohi Yaꞌhuud ieheynan goya yaal tuumman abisso ꞌdee icho amurre Muusa ꞌdiichaane, nyaakhuticho laka ikhandiyine, hugummeti Yaꞌhuud iraahin a liicheeke.

2 Koriinto 2:5

Chirri etoo bolokh keene, ani kalday mee ibolkhiche. Ma kokkorsadi la, us geeddoo ka atin tuummane atin bolkhiche.

2 Koriinto 6:11

ꞌDooꞌdi Koriintooy! Nah wohoo rucchul laka ma atin kadagsanne, saggi nah weyti atin iꞌdoonno laka a atin tusne.

2 Koriinto 6:13

Toolla saggi an nyaakhuteey ileeyyeedo iche atin ileeyyeeda. Taba geeddaas nah weyti atin ꞌdoonno, atin laka nah ꞌdoona.

Galaatiya 2:14

Iꞌdaasenyi wihi an arge, fiddihicho ichoow runti Wori Haaggan ma israahaan. Maantaka Beetero ꞌdooꞌd tuumman ortiis ka mehe iidah ya, “At a Yaꞌhuude, eheetteey laka, jiroti Yaꞌhuud menye jiroti yaafohi Yaꞌhuud ieheynane jirta. Saggoh yaafoha Yaꞌhuud ieheynan hugummeti Yaꞌhuud ikaholissa?

Galaatiya 4:11

An a atin ulooda, kolossoo hili goorat an atin ihile a ki ilmarhaatteet on.

Galaatiya 4:13

Saggi atin igarattaan u, jeenteti an iꞌdarsade iche kolooraat Wori Haaggan atin icheeke.

Galaatiya 6:14

Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan.

Galaatiya 6:18

ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.