Galaatiya 3:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 3:26 ပူးပေါင်းရင်းမြစ်များ

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

Fiiliffi 2:15

Iꞌda ka nyaakhuti Waakhe wohoo rucchul laka liikacheekanne toro la eloo rucchul laka ikhabine tateehiin. Atin ꞌdooꞌdi iꞌdeenye khollokkhane toro ꞌdooꞌdi addan baabiicho goycho ka, a iꞌdi yiyyihimohi harrata ka mugꞌdi goya kabildiikho,

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.

Efeesso 5:1

Atin a nyaakhuti Waakhe us weyti ꞌdoono gone, taba giꞌde, fataliis jira.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Yoohana 1:7

Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Rooma 8:19

Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Galaatiya 4:14

Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Fiiliffi 1:8

Waakh saggi an ꞌdooninti Yeesso Kiriisto enenyet ꞌdoono ka uureey ka atin ikamoono garteey a laaba.

Kolossaay 1:4

Wihi nah Waakh kalaꞌd ikalaabno la, a jeenteti nah saggi atin Yeesso Kiriisto ikakhuuftaan idaagne toro la saggi atin ꞌdooꞌdi Waakh tuumman iꞌdoontaan nah idaagne.

Kolossaay 2:6

Maantaka atin Yeesso Kiriisto Kamur a kayeelatteen gone, taba giꞌde kol dakkhan usu leejira.

Fiilemon 1:1

Khadaaba eti kisoochiiro a ani, Baawulo. Anna jeenteti an wori Yeesso Kiriisto miinsan icheeko iche jeela ikajira. Timootihi ullaka koo Kiriistee a kisoobariitiche. Fiilemonhi weyti aalenyeenye, hil Kiriisto nah kaleejiro,

Fiilemon 1:9

Iꞌdaasenyi ꞌdoonin Kiriisto ka, samacchaar on kihawwaasda. Ani a Baawulo kola a araarrowe, toro la jeente Yeesso Kiriisto jeela ikajira,