Galaatiya 3:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Geeddi goorat wori Yeesso lakakhuufo iimaatan la, amurre Muusa a inno hidde, toro inno toorribte, ichoowka wori Kiriistohi lakakhuufo lasoobabbakkaahiche.

Galaatiya 3:23 ပူးပေါင်းရင်းမြစ်များ

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Rooma 11:32

Maantaka Waakh weeli enenyet tuumman ꞌdooꞌdi lahide usu raahin ꞌdiiꞌde kayeele. Ulla iꞌdane yeela, ꞌdee icho tuumman uur inugleesta.

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Galaatiya 3:19

Amurre Muusa ꞌdeerka mehe liisoobahcheey? Jeenteti Waakh liidaagiwwaaye iche lakasookhaye ichoowka weel nyaakhut nyaakhut Aburaaham ki goorat Waakh ayyintaas ka yeele yimiy. Waakh herti Waakh ka amurretaas a chuukhe. Muusa la Waakh ichoow ꞌdooꞌdi Yaꞌhuud dahcho gele, ꞌdooꞌdaas amurre ikeene.

Galaatiya 4:21

Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a?

Galaatiya 5:18

Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

Ibiraaniya 11:13

ꞌDooꞌda dakkhan la Waakh kakhuufaayi tuume. Icho la wihi Waakh iayyiche ma ꞌheline, toro la fogaka wihi ꞌdee berri sooyateeh argeene, kahamaadeen. Saggi icho harrata ka chiiy ichoow ꞌdooꞌdi yeelan iyahiin ꞌdow ka a cheekeen.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.