Galaatiya 3:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Galaatiya 3:22 ပူးပေါင်းရင်းမြစ်များ

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Hilassi Ergaano 16:31

Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.”

Rooma 10:9

Farniinka la a mehe ya, chirri at afaah ka, “Yeesso usu Kamure,” cheekto, uuraah ka la saggi Waakh Yeesso omoot ka isookahche rummeysatte, Waakh a kiriba.

Rooma 11:32

Maantaka Waakh weeli enenyet tuumman ꞌdooꞌdi lahide usu raahin ꞌdiiꞌde kayeele. Ulla iꞌdane yeela, ꞌdee icho tuumman uur inugleesta.

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Rooma 3:23

iꞌdi tahe weeli enenyet tuumman uskeel a yeele, weynaanti Waakh kadeeraate.

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Galaatiya 3:14

Us a inno gatte ꞌdee imaalnaanki goorat Waakh Aburaaham imaale, yaafohi Yaꞌhuud ieheynan laka Yeesso Kiriisto ka imaala, ꞌdee kakhuufnaanki inno Kiriisto kakhuufno ka, ayyinti Rubeyti Munyeenye goorat Waakh gooche ꞌhella.

Galaatiya 3:17

Wihi an eldi kallaayo, Waakh Aburaaham ayyintoo igooche. Amurre Muusati inkoo guꞌh kud affar ichoow guꞌh tomon seyyah kutte timiy la, ayyintaas Waakh ma jebinne, ayyinti Waakh gooche ma suujaan.

Galaatiya 3:23

Geeddi goorat wori Yeesso lakakhuufo iimaatan la, amurre Muusa a inno hidde, toro inno toorribte, ichoowka wori Kiriistohi lakakhuufo lasoobabbakkaahiche.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.

2 Timooti 1:1

Eti khadaaba kisoochiiro a ani Baawulohi mali Waakh ka ergaano Yeesso Kiriistee. Waakh la iꞌdane yeele ꞌdee jiroti jirtuu imassanne us ꞌdooꞌdi icho ichoow Yeesso Kiriisto ba wohoo kalday yahiin iayyiche enenyet icheeka.

Ibiraaniya 9:15

Jeentetuu Kiriisto ayyinti husube Waakh gooche ka dahgele yitah. Omoottiis ka enenyet uskeeli maanti us ayyinti oraat raahe gele a kasoogate kasoofure. Eti tuummane Waakh wahe, ayyinti armaanjireene usu muꞌdane Waakh igooche ꞌhela.

2 Beetero 1:4

Wahanyeyyohaas ka Waakh ayyinti weyti haaggane indigir inno ikhabto a inno igooche, ꞌdee ayyintaas ka Waakh uummankiis leegisanna toro suujoonki harratane wahanyeyyohi liimoono keenaan kabahsanna.

2 Beetero 3:13

Iꞌdaasenyi wihi Waakh ayyiche ka, sereytoo husub ichoow harratoo husube walah tuumman fissanyahiine sugna.

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.