Galaatiya 3:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Chiꞌ koobbin lamma ayyintoo isleegoosso, dahgele laꞌdoona. Iꞌdaasenyi Waakh rubeytiissa on keley ayyintaas Aburaaham igooche.

Galaatiya 3:20 ပူးပေါင်းရင်းမြစ်များ

Hilassi Ergaano 12:20

Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.

Galaatiya 3:17

Wihi an eldi kallaayo, Waakh Aburaaham ayyintoo igooche. Amurre Muusati inkoo guꞌh kud affar ichoow guꞌh tomon seyyah kutte timiy la, ayyintaas Waakh ma jebinne, ayyinti Waakh gooche ma suujaan.

1 Timooti 2:5

Iꞌdi tahe Waakkhoo kalday on jira, dahgelehi Waakh ichoow weeli enenyet isineybicho la a koo kalday one, ulla a Yeesso Kiriistohi weeli enenyet eheet.

Ibiraaniya 12:24

Toro la Yeessohi dahgeleenye ayyinti husube Waakh gooche keene, iche isoodowwaatteen. Diiggiis a liirdifte, ꞌdee Waakh enenyet uskeel ikakuta. Diigga iꞌdi diig Aabelki eti aal guto yowti mee.

Ibiraaniya 8:6

Iꞌdaasenyi Yeesso hili ki kuhaaniyyoha weyti kussane lasiiche. A mehe ayyinti husube Waakh gooche us dahgele yahe, ayyinti oraate amurre Muusa keente weyti kussantahe. Waha la a jeenteti iche ayyinti weyti deefto iraahto.

Ibiraaniya 9:15

Jeentetuu Kiriisto ayyinti husube Waakh gooche ka dahgele yitah. Omoottiis ka enenyet uskeeli maanti us ayyinti oraat raahe gele a kasoogate kasoofure. Eti tuummane Waakh wahe, ayyinti armaanjireene usu muꞌdane Waakh igooche ꞌhela.