Galaatiya 3:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ A mehe chirri wihi enenyet muꞌdan amurre Muusati laraaho kanoolyahiin, kola ayyinti goorat us gooche ma kanool gon. Iꞌdaasenyi Waakh haaggiiski buure ka, ayyintaas ka Aburaaham wihi usu muꞌdan a siiche.

Galaatiya 3:18 ပူးပေါင်းရင်းမြစ်များ

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Galaatiya 3:12

Amurre la kakhuufnaanki Waakh lakakhuufo ma kanoole, iꞌdaasenyi, “Eti wihi amurre ꞌdoonto tuumman raaho, amurre jirotiis dakhatta.”

Galaatiya 3:16

Toolla la ayyinti goorat Waakh Aburaahám igooche, Aburaaham ichoow weel nyaakhut nyaakhutiissa miinsantahe. Chiirnaanneti Waakh, “Ichoow nyaakhut nyaakhutiissa,” mee tadeeh, iꞌdaas ka kootte a ꞌdooꞌdi ittaawe gone. Iꞌdaasenyi mehe tadeeh ya, “Weel nyaakhut nyaakhutaahha.” Iꞌdaas ka la a etoo kaldaye, a Kiriisto la.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.