Galaatiya 3:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Wihi an eldi kallaayo, Waakh Aburaaham ayyintoo igooche. Amurre Muusati inkoo guꞌh kud affar ichoow guꞌh tomon seyyah kutte timiy la, ayyintaas Waakh ma jebinne, ayyinti Waakh gooche ma suujaan.

Galaatiya 3:17 ပူးပေါင်းရင်းမြစ်များ

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Hilassi Ergaano 7:6

Waakh wihi us Aburaaham iyidah, ‘Nyaakhutaah ꞌdee berri iloo yeelane gela, ilaas ka la guꞌh kud affar iche bowꞌda yateehe weyti la sina lakawaaricha.

Rooma 3:25

Waakh Yeesso enenyet ortiis ka soorriyo kayeele, ꞌdee diig Kiriisto ka holiiski us inno ikhabe laaba. Chirri etoo saggi Yeesso soorriyoti Waakh iyahe kakhuufe, uskeeliis a liikakuta. Waakh la Yeesso soorriyo kayeele, saggi us iffissanyahe tusa. Waakh la iꞌdane yeele a mehe us a samacchaare, ꞌdooꞌdi orey uskeel yeele sirbi ma gelin.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

1 Koriinto 1:12

Wihi an eldi a mehe ya, gaasiinkoo mehe essa ya, “Ani Baawulo raaha,” gaasoo la, “An Aboollo raaha,” essaane, gaasoo la “An Keefase raaha,” gaasoo la “Ani Kiriisto raaha,” essaan.

1 Koriinto 1:17

A mehe Kiriisto ꞌdooꞌdi an baattissiyo mee isooerge, iꞌdaasenyi wihi us isooerge, a Wori Haaggane an cheeko. Wora la kharati yeedi weeli enenyet mee kacheeko. Uus ꞌdee omootti Kiriisto massalaaba ka yumuy miigtiche waayine.

1 Koriinto 10:19

Iꞌda ka mehe elda ya, soorriyoti iyookkoyyohi waakkhakh lakayeessi liibahche ommos iyookkoyyoha waakkhakh lakayeessi walah icho yahiin mele.

1 Koriinto 7:29

ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro.

2 Koriinto 1:20

A mehe Waakh ayyinti tuummane us ayyiche, Kiriisto ka a buuhiche. Maantaka kol dakkhan chiꞌinno Waakh koolinno Yeesso Kiriisto ka, “Aamiin,” iche nadeeh.

2 Koriinto 9:6

Ayti an atin ikhabo talla. Eti ilmohoo rucchul taaꞌhicho, ullaka gurnaankoo rucchule ꞌhela. Eti ilmohi buure taaꞌhicho la ullaka gurnaanki buurenye ꞌhela.

Galaatiya 3:15

ꞌDooꞌd Kiriistokaaw, iyookkoti wohoo orran dakkhan inno garanni atin tusa. Chirri et lamma ayyintoo iskadaagte, et ayyintaas ꞌdol ilaabo ommos wohoo addan kakhayo mele.

Galaatiya 3:21

ꞌDeerka amurre Muusa ichoow ayyinti goorat Waakh gooche a isbuusanyahiine elannaay? Waakh meesseen bujiiy! A mehe chiꞌ amuroo jiro keeno jiro, iꞌdaas ka ꞌdeerka amurreti laraaho ka Waakh enenyet ꞌdooꞌdi ortiis ka fiffissane iekkaacha.

Galaatiya 5:16

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Kolossaay 2:4

Iꞌdane atin iadeeh uus ꞌdee etoo kalday laka woroo wohoo haaggan iyoog ka atin ekkeysan.

Ibiraaniya 11:13

ꞌDooꞌda dakkhan la Waakh kakhuufaayi tuume. Icho la wihi Waakh iayyiche ma ꞌheline, toro la fogaka wihi ꞌdee berri sooyateeh argeene, kahamaadeen. Saggi icho harrata ka chiiy ichoow ꞌdooꞌdi yeelan iyahiin ꞌdow ka a cheekeen.

Ibiraaniya 7:18

Amurreti oraat a ꞌdarneete toro la gargaar ma khabine, a laꞌdiiche.

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.