Galaatiya 3:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Galaatiya 3:13 ပူးပေါင်းရင်းမြစ်များ

Mattaayo 26:28

Waha a diiggeeyki ayyinti husube Waakh enenyet igoocho, a diiggi iroonoti enenyeti buure liikhubo, ꞌdee uskeelicho liikakuto.

Mattaayo 27:5

Yuuda ꞌdeerka chilimme minki Waakhe buure goyaka khube, ꞌdeerka irte, geeyoo iskasoolooꞌdiche, isyigis.

Hilassi Ergaano 5:30

Inkoo atin Yeesso massalaaba kakaahteene atin tigaaseen, Waákh aacchinyeteen, Yeesso rubey a isoolaabe, omoot kasookahe.

Rooma 4:25

Waakh Yeesso a soodiibe, jeenteti uskeeleen iyumuyye, Waakh la usu omoot kasookahche, ꞌdee Waakh ꞌdooꞌdi fiffissan inno iekkaacha.

Rooma 9:3

jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Galaatiya 4:5

ꞌdee ꞌdooꞌdi amurre anatti soogatta toro soofura, ꞌdee Waakh tuum inno khaatta nyaakhutiis nateeh.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Ibiraaniya 9:12

Yeesso Kiriisto la koloo kalday on Meessi Weyti Lagan ikute. Ulla maanti us meessaas gele, diiggi waharoot ommos diiggi maaroot ma khaatine, Waakh ma ibihin. Iꞌdaasenyi us diiggiissa bahche, jirtuu tuumman inno ribe.

Ibiraaniya 9:15

Jeentetuu Kiriisto ayyinti husube Waakh gooche ka dahgele yitah. Omoottiis ka enenyet uskeeli maanti us ayyinti oraat raahe gele a kasoogate kasoofure. Eti tuummane Waakh wahe, ayyinti armaanjireene usu muꞌdane Waakh igooche ꞌhela.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

1 Yoohana 4:10

ꞌDoonine talla, inno mee Waakh ꞌdoonne, iꞌdaasenyi usu inno ꞌdoone toro Weeliis sooerge, soorriyotiis ka, holi Waakhe uskeeleen keeno bahcha.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.