Galaatiya 3:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!

Galaatiya 3:1 ပူးပေါင်းရင်းမြစ်များ

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Mattaayo 7:26

Iꞌdaasenyi eti tuummane yeedeeyka daago toro iraahin, a iꞌdi eti ꞌdalamenye minkiis yooh goya kadise.

Luuka 24:25

Yeesso la wihi us iyidah, “Atin eenna a ꞌdalamme, toro eenna kakhuufnaanki atin wihi tuummane ꞌdooꞌdi goorat Waákh íyeyyeedo cheeke kakhuuftaan ka uurassiin a gaꞌdaale!

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Rooma 10:16

Iꞌdaasenyi ꞌdooꞌd tuumman mee Wori Haaggan raahe. Iꞌdi Isaaya rubeytiis chiiruu, “Kamur, ayyo woreenyo rummeeste?”

Rooma 2:8

Iꞌdaasenyi eti tuummane wihi awtiis kalday on yowti, toro la wihi rummaat ꞌdiiꞌdo, khollookh on raaho, Waakh a kabolkha, hol tusta.

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

1 Koriinto 11:26

Iꞌdi tahe maambaaw atin makaateta tamhiine, atin kooba tabhuubiin tuumman, atin toro enenyet saggi Kamureen iyumuyye icheektaane, ichoowka maanti us soonokhti.

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

2 Koriinto 10:5

Wihi inno jejjebinno a iriirti yeedi beenaat liiriiro ichoow rannyaatti noole abanti Waakh laabti jeyisso. Nah toro mal tuummane khabanna ꞌdee iholinna Kiriisto raahaan.

2 Koriinto 11:3

Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho.

Galaatiya 1:2

Ani ichoow ꞌdooꞌdi Kiriisto rummeeste inta ka ileejiro tuumman a atin soobariitinne. ꞌDooꞌdi an khadaaba isoochiiro a ururre Kiriistoti boroofenhi Galaatiya kijirto.

Galaatiya 1:6

Ani a atin kagirmeesda! Atin saggoh Waakkhi haag Kiriistoki buurenye inno imunneynan ka atin wahe dowwa on ikaguurteene, woroo addane haaggane atin laabche iraahteen?

Galaatiya 2:14

Iꞌdaasenyi wihi an arge, fiddihicho ichoow runti Wori Haaggan ma israahaan. Maantaka Beetero ꞌdooꞌd tuumman ortiis ka mehe iidah ya, “At a Yaꞌhuude, eheetteey laka, jiroti Yaꞌhuud menye jiroti yaafohi Yaꞌhuud ieheynane jirta. Saggoh yaafoha Yaꞌhuud ieheynan hugummeti Yaꞌhuud ikaholissa?

Galaatiya 3:3

Saggane ꞌdalam itahiin? Inkoo atin jiroti husub Rubeyti Munyee leesookhabatteen, toro miigti weeli enenyete kamassin ꞌdoontaan?

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Galaatiya 5:11

ꞌDooꞌd Kiriistokaaw, chaꞌan uliba wori khandi miinsan cheeko, a iꞌdoh uliba ꞌdooꞌdi Yaꞌhuud ani sina iomhicha? Chaꞌan wahaas cheeko, wori massalaaba Kiriisto miinsane enenyet tarraantarricho a labaabiiche gon.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Efeesso 5:15

ꞌDeerka saggi atin ijirtaan weyti yuubsada. Saggi ꞌdooꞌdi ꞌdalammee iijirina, iꞌdaasenyi saggi ꞌdooꞌdi kharayyee ijira.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

1 Timooti 6:4

weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

Ibiraaniya 11:8

Aburaaham la kakhuufnaanki us Waakh kakhuufe on ka, iche maanti Waakh iloo berri alaal ka siicho irte. Ulla chirri us ili us isohti igaran laka, ayti Waakh a raahe iliis kaguure.

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 Beetero 4:17

Iꞌdi tahe ibeen a yitah ki Waakh enenyet hukkumo. Chiꞌ innohi nyaakhuti Waakhe inno lakasookhabti la, ꞌdooꞌdi Wori Haaggane Waakh rummeysawwaaye sinati isoobahto a too geeddohe?

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Bakkaahit 2:20

Iꞌdaasenyi wihi an atin kakhabo kallaayo, atin aranta Yeesebel layadeehe eti Waákh íyeyyeedo istadeeh a isisooꞌdiissaan. Wihi iche abisso ka falfayyoheey jite bujissa, ꞌdee ꞌdooꞌdi isidisan isleeurꞌda toro gololi iyookkoyyohi waakkhakh lakayeessi liisoorriyooche yamhiin.