Galaatiya 2:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Galaatiya 2:9 ပူးပေါင်းရင်းမြစ်များ

Mattaayo 16:18

Wihi an kiadeeh la at a Beetero, iꞌdi minki daddaab sartiis lakadisuu, daddaabta sarcheeda urureey tuumman kadisa. Miigti omooteet la ma kahataatto.

Luuka 22:8

Yeesso Beetero ichoow Yoohana ergate wihi us iyidah, “Nyaama inti inno gololi daawti Baasakka kanaham inno ihaaggicha.”

Yoohana 1:42

Ulla Siimon Yeessó ikeene. Yeesso la yeye wihi us iyidah, “At a Siimonhi ínam Yoohanee menya? Magahaah kola Keefas iche layadeeh.” Ayta chirri lalaabe a Beetero ommos Daddaab.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Hilassi Ergaano 15:13

Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 15:15

Iꞌdaasenyi jeenteti haaggi Waakhe buurenye liisiichuu, roorro laan a atin isoochiire ꞌdee wahanyeyyohoo atin kasooꞌhelcha.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

2 Koriinto 11:5

A mehe maleey ka reera, “ergaanoti weyti khukkhumman,” layadeeh an iꞌdaaru laka ma karucchul.

2 Koriinto 12:11

An eti ꞌdalamenye iskayeele, iꞌdaasenyi atine iholissseen. Atine kootte incheenka haaggeey tuumman cheektaan. A mehe an walah an ahe mele. Eheetteey laka chiꞌ ergaanota a khukkhummantahe leessi liikeekkaacho, meel an icho kaankhanahe mele.

2 Koriinto 8:4

weyti nah hawwaasteene, ꞌdee ꞌdooꞌdi Waakhe ilkerengeetti Yaꞌhuudiya kijiro haaggi hila khumman leegismaan.

Galaatiya 1:16

eti Weeliis yahe isoobabbakkaahiche. Iꞌdane yeele ꞌdee anna Wori Haaggane Yeesso miinsan, yaafohi Yaꞌhuud ieheynan icheeka. Maanti wahaas iyitaaheen, weeli enenyete wihi an yeelo worsade ma jirin.

Galaatiya 1:18

Inkoo guꞌh seyyahe kutte, iche ilkerengeetti weene Yeerusaleem ikore, Beetero aban ꞌdoonaa. Ibeen tomon ichoow chan iche leefiddiye.

Galaatiya 2:1

Inkoo guꞌh tomon ichoow affare kutte, Barnaba khabaayi, ilkerengeetti weene Yeerusaleem toro inokhde. Tiito laka a khaadde.

Galaatiya 2:2

An jeenteti wihi Waakh isoobabbakkaahiche iirde. Reeri ꞌdooꞌd Kiriisto woyo magah khabo kalday on Wori Haaggane an yaafohi Yaꞌhuud ieheynan icheeko, woriis icheeke. An mehe karoore ya, hili an orey haaggiche ichoow ki toolla an haaggicho, usuhi ki ilmarhaatteet yateeh ma ꞌdoono.

Galaatiya 6:3

A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.

Efeesso 2:20

Atin a iꞌdi daddaabohi ilaate minki ergaano ichoow ꞌdooꞌdi Waákh íyeyyeedo kadisanyahiin. Tirrinki dagaheete minka la, a Yeesso Kiriisto rubeytiissa.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

1 Timooti 3:15

Iꞌdaasenyi chiꞌ wohoo imalmalicheen laka, khadaaba a kisoochiira, ꞌdee jiroti innohi ururi Waakhe incheenka jirro abatta. Urura Waakh a ki Waakkhi jirtuu tuumman jiro, a tirrim ichoow daddaabohi ilaate runti Waakh tiiro.

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

Bakkaahit 3:12

Eti tuummane sooricho la minki buurenye Waakkheey ka tirrinki dagaheete kayeela, ulla jirtuu tuumman intaas ma kakaho. Ani la magah Waakkheey ichoow magah ilkerengeetti weene Waakkhaaya usu kachiira. Ilkerengeettaas la a ilkerengeetti weene Yeerusaleeme husube Waakkheey goobiis kasooyagcho. Toro la magaheeyki husub laka usu kachiira.