Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galaatiya 2:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

6 ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

အခန်းကိုကြည့်ပါ။ ကော်ပီ




Galaatiya 2:6
22 ပူးပေါင်းရင်းမြစ်များ  

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.


ꞌDooꞌd Yeesso iyimiyye, wihi us iyidah, “Eti ween, nah saggi at rum ikanokhan a garanna. At et at ibaasso mele, weyneetteey ichoow kuus ka ba. Iꞌdaasenyi jiti Waakhe at enenyet abisso ichoow runti Waakh a israahaan. Kaaysarhi weene kooddi liiguto a mujjum a bal mujjum mee?


ꞌDooꞌda ꞌdegeye wihi us Yeesso worsate, “Eti ween! Saggi at wihi rummaat ikaayyeeddo toro enenyet iabisso a garanna. Toro la enenyet seley ma sassaahto, iꞌdaasenyi jiti Waakhe at enenyet abisso ichoow runti Waakh a israahaan.


Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.


Wihi inno orey agarre, Dewuudo a soobahe etoo ween iskayeele. Ullaka geeddi et kud affare raahte. Inkoo usu layigis ka, ꞌdooꞌdiiskaas ichoow yeediis tuumman ba baabe.


Iꞌdi tahe Waakh gar badah ma gatti, enenyet tuumman ortiis ka a ekka on.


A mehe maleey ka reera, “ergaanoti weyti khukkhumman,” layadeeh an iꞌdaaru laka ma karucchul.


An eti ꞌdalamenye iskayeele, iꞌdaasenyi atine iholissseen. Atine kootte incheenka haaggeey tuumman cheektaan. A mehe an walah an ahe mele. Eheetteey laka chiꞌ ergaanota a khukkhummantahe leessi liikeekkaacho, meel an icho kaankhanahe mele.


ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.


An jeenteti wihi Waakh isoobabbakkaahiche iirde. Reeri ꞌdooꞌd Kiriisto woyo magah khabo kalday on Wori Haaggane an yaafohi Yaꞌhuud ieheynan icheeko, woriis icheeke. An mehe karoore ya, hili an orey haaggiche ichoow ki toolla an haaggicho, usuhi ki ilmarhaatteet yateeh ma ꞌdoono.


A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.


Weynaantiin wihi iche atin idowto daaga, antohicho la akutina. Iꞌdi tahe ꞌdooꞌda jeenteti us atin iyaakhicho u, koloo kalday laka ma naso. Icho la hila berri saggi icho ihaaggicheene, Waakh worsata. Chaꞌatin wihi icho atin idowaan raahtaan, hilicho hamaade kahaaggichaan. Iꞌdaasenyi chaꞌatin idaagin la, hil a leemiigoossaane, waha la indigir icho atin ibahaan mele.


Bal ꞌdooꞌdi oraate atin woye, Yeedi Waakh atin isoocheeke, kasooꞌhela. Jiroti haaggane icho jireen, wihi iche desse kamalda, toro la atin laka saggichuu Waakh kakhuufa giꞌde.


Atin Waakkhi Aabbaheenenye enenyet seley isassaahine ebba wihi us yeelo on ka hukkumo wahattaan gone, taba geeddi atin harrata ka jirtaan tuumman usu inkaanyita.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ