Galaatiya 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Galaatiya 2:4 ပူးပေါင်းရင်းမြစ်များ

Luuka 5:38

Farsoti sabiibe husub, urgohi uktoote husub on lakachiba.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 15:24

Wihi nah daagne, ꞌdooꞌdoo ki intee a atin iyimiyye yeedicho ka atin malalicheene toro atin kaholloocheen. Iꞌdaasenyi nah ꞌdooꞌdaas amur ma siin.

Hilassi Ergaano 20:30

Berri goytiin ka laka ꞌdooꞌdoo wihi rummaat urgiyicho ꞌdee abatti ankicho ijiito a soobaha.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

2 Koriinto 11:13

A mehe ꞌdooꞌdaas ergaano iskaayyeela. Hili icho haaggichaan ka enenyet a ekkeestaane soonyoy ka ergaano Kiriisto iskaayyeelaan.

2 Koriinto 11:17

Chirri an roorro laan eylajo, wihi Kamur iꞌdoono an adeeh mee, an iꞌdi ꞌdalame iyeyyeeda.

2 Koriinto 11:20

Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.

2 Koriinto 3:17

Toollaka Kamur a Rubey. Inti Rubeyti Kamur kijirto la enenyet a furanyahe.

Galaatiya 1:7

Rumanka Wori Haaggan koo addan ma jiro. Iꞌdaasenyi ꞌdooꞌdoo atin waraariya, toro Wori Haaggane Kiriisto miinsan baabulin ꞌdoona.

Galaatiya 4:25

Haagar Hali Sinnaaye ili Araabo kijiro iche itolossa, toro la ilkerengeetti weene Yeerusaleeme weyꞌdane itolossa. A mehe nyaakhutiche khabtaayi iche a bowꞌda.

Galaatiya 4:3

Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Galaatiya 5:10

Kamuri ani ichoow usu ba wohoo kalday nahe ka a tissiba, atin maleey on menye maloo addan ma raahtaan. Eta mal atin tiro la, ebbaaw uꞌ yahe ka, Waakh sina a igoocha

2 Timooti 3:6

ꞌDooꞌda gaasiiskoo goobab goya isgessa, deyyehoti ꞌdaꞌddaran booliya. Deyyehota uskeel a ꞌharche, suujoonki fil ittaawenye liimoono iche icho anta.

Yaakoobo 1:25

Iꞌdaasenyi eti amurreti eloo rucchul laka ikhabine enenyet soofurto mujjum fiiricho toro la kol dakkhan kamassi, toro la wihi us daage ikadabine iꞌdaasenyi raaho, Waakh etaas wihi us yeelo ka a imaala.

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

1 Yoohana 4:1

Aalasseeyki an weyti ꞌdoono, eti tuummane rubeytoo woyto mee rummeysattaan. Iꞌdaasenyi taba ꞌdooꞌdaas rubeyohoo woyaan fiiricha, ꞌdee wihi icho atin abchaan icho Rubeyti Waakh kayimiy fiiricha. Iꞌdi tahe ꞌdooꞌdi ittaawenye ꞌdooꞌdi Waákh íyeyyeedo iskaayyeelo harrata a itabe.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.