Galaatiya 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Tiitohi wahalheeye, chuꞌus Giriig eheet laka, khandihi Yaꞌhuud khandiiti ma liiholin.

Galaatiya 2:3 ပူးပေါင်းရင်းမြစ်များ

Hilassi Ergaano 15:24

Wihi nah daagne, ꞌdooꞌdoo ki intee a atin iyimiyye yeedicho ka atin malalicheene toro atin kaholloocheen. Iꞌdaasenyi nah ꞌdooꞌdaas amur ma siin.

Hilassi Ergaano 16:3

Baawulo usuhi Timooti khaatti leeirti ꞌdoona, ꞌdeerka khandiye. Waha a jeenteti ꞌdooꞌdi Yaꞌhuude intaas kajiro saggi aabba Timooti yaaftoo Yaꞌhuud ieheynan iyahe toro us ikhandiineynan igarti.

2 Koriinto 2:13

Iꞌdaasenyi jeenteti an eteenki koo Kiriisteenye Tiito layadeeh iꞌhelin u, weyti uur isuujowe. ꞌDeerka ꞌdooꞌd a Waakh atin bariisti iidahye, katabe, ilkerengeetti Makedooniya imiy.

Galaatiya 2:1

Inkoo guꞌh tomon ichoow affare kutte, Barnaba khabaayi, ilkerengeetti weene Yeerusaleem toro inokhde. Tiito laka a khaadde.

2 Timooti 4:10

Iꞌdi tahe Deema jeenteti us wahanyeyyohi harrata ikalooꞌduu adah a ikakhabte, ilkerengeetti ꞌDessaloonika irte. Kireeske la boroofenhi Galaatiya irte, Tiito la boroofenhi Dalmaatiya irte.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.