Galaatiya 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² An jeenteti wihi Waakh isoobabbakkaahiche iirde. Reeri ꞌdooꞌd Kiriisto woyo magah khabo kalday on Wori Haaggane an yaafohi Yaꞌhuud ieheynan icheeko, woriis icheeke. An mehe karoore ya, hili an orey haaggiche ichoow ki toolla an haaggicho, usuhi ki ilmarhaatteet yateeh ma ꞌdoono.

Galaatiya 2:2 ပူးပေါင်းရင်းမြစ်များ

Mattaayo 10:16

“An iꞌdi iiyti yaay goya liifahe iche atin ierga. Maantaka iꞌdi toof u yuubsada, toro la iꞌdi kutukuurrug u iꞌdi ꞌdooꞌdi eloo rucchul laka ikhabin ateeha.

Hilassi Ergaano 15:12

Chirra Baawulo ichoow Barnaba wahanyeyyohi miigti Waakh tuso ichoow girmohi Waakh icho ka yaafohi Yaꞌhuud ieheynan iyeele cheekaan ka nabah isudeene, urur tuumman ba rukkuy gooche.

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 18:9

Ibeenkooka Kamur Baawulo fooltabcho ka leeyyeede wihi us iyidah, “ꞌDooꞌda akaroorin, leeyeyyeede, waha at haaggisso la aꞌdiin.

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.

Rooma 9:16

Maantaka chirri Waakh etoo uur isoonugleesti wahaas saggi etaas iꞌdoono ommos saggi etaas hol idowo ma iyateehiine, jeenteti Waakh etaas ikasoonaho on iyateehiin.

1 Koriinto 1:23

Iꞌdaasenyi nah wori Kiriistohi massalaaba lakakaahe miinsan iche enenyet icheekna. Wora la ꞌdooꞌdi Yaꞌhuud daakki tarraantarricho iyateehe, yaafohi Yaꞌhuud ieheynan ka la, wora a yeedi ꞌdalam.

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

1 Koriinto 9:24

Saggi atin igarattaan u ꞌdooꞌdi iskabahsati icho tuummane orya, iꞌdaasenyi etoo kalday on ꞌdooꞌd sooricha ꞌdee wihi laꞌhelo ꞌhela menya? Atin laka saggaas iorya ꞌdee wihi ꞌdooꞌd lasiicho ꞌhela.

1 Koriinto 9:26

Maantaka an chaꞌan nyaamo baabul on ma ariꞌd, iꞌdi eti etoo addan jaho u, hafar on ma jaho.

2 Koriinto 12:1

Orey on isohda eylaja. Iꞌdaasenyi indigir iche khabto mele. Eheetteey laka inti an eylajeey ka eleelo a wahanyeyyohi Kamur ituse iꞌdi maanta fooltabchoyyo ichoow wihi Kamur isoobabbakkaahiche.

Galaatiya 1:12

Wora et an kaꞌhele mele, ommos weeli enenyete iabche mele. Yeesso Kiriisto rubeytiissa kaꞌhele, usu isoobabbakkaahiche.

Galaatiya 1:16

eti Weeliis yahe isoobabbakkaahiche. Iꞌdane yeele ꞌdee anna Wori Haaggane Yeesso miinsan, yaafohi Yaꞌhuud ieheynan icheeka. Maanti wahaas iyitaaheen, weeli enenyete wihi an yeelo worsade ma jirin.

Galaatiya 1:6

Ani a atin kagirmeesda! Atin saggoh Waakkhi haag Kiriistoki buurenye inno imunneynan ka atin wahe dowwa on ikaguurteene, woroo addane haaggane atin laabche iraahteen?

Galaatiya 2:6

ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Galaatiya 5:7

Atin orey saggi mujjumenye Kiriisto iraahteen. Ayyo runti Waakhe atin raahtaan atin kajeyche?

Fiiliffi 2:16

geeddi atin yeedi jiroti rummaat lakaꞌhelo ꞌdooꞌd icheektaan. Ibeenki Kiriisto soonokhti ani a atin keeylajo, hili geeddi an abuuꞌd tuumman an haaggiche uus ki ilmarhaatteet eheynan.

Fiiliffi 2:29

Iꞌdi eti Kamur rummeestuu, taba hamaadi buure ka usú martiisda, ꞌdooꞌdi iꞌdiise laka inkaanyita.

1 'Dessaloonika 3:5

Maantaka inkoo an nabahtiin waaye ka fiddi agaafde, Timooti sooerge. A sooerge ꞌdee usu atin uliba Kiriisto mujjum kakhuuftaan abda. Mehe karoore ya, kolossoo Seytaanki ꞌDookkaje layadeeh jitoo ka kajmeti uskeel atin kaluguꞌddo a atin kakaje, hili miigenye nah haagginne ki ilmarhaatteet yitah.

2 Timooti 4:7

Dihoti an kijire mujjume kijire, oriisihi an kijire la a massiche, wori Kiriisto miinsan la mujjume kakhuufe.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.