Galaatiya 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Iꞌdi eheneet, ꞌdooꞌdoo Yaꞌhuude Yaakoobo kayimiy a jire. Geeddi ꞌdooꞌda iimaatan, Beetero ꞌdooꞌdi yaafohi Yaꞌhuud ieheynan a leegolossata. Iꞌdaasenyi inkoo ꞌdooꞌdaas Yaꞌhuud yimiy, Beetero yombo inokhte, ꞌdooꞌdi us leegolossati kagowe. Waha a jeenteti us ꞌdooꞌda Yaꞌhuude, yaafohi addane lakhandiyo ꞌdoono ikarooro.

Galaatiya 2:12 ပူးပေါင်းရင်းမြစ်များ

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Luuka 5:38

Farsoti sabiibe husub, urgohi uktoote husub on lakachiba.

Hilassi Ergaano 10:28

Beetero la wihi us ꞌdooꞌdaas iyidah, “Weyti a garattaane amurreteen eti Yaꞌhuude yaafohi addan kachimmamo ommos minassicho gelo a buusantahe. Iꞌdaasenyi Waakh mehe ituse ya, an et an a biꞌdir ommos a suuj adeeh mele.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Galaatiya 2:14

Iꞌdaasenyi wihi an arge, fiddihicho ichoow runti Wori Haaggan ma israahaan. Maantaka Beetero ꞌdooꞌd tuumman ortiis ka mehe iidah ya, “At a Yaꞌhuude, eheetteey laka, jiroti Yaꞌhuud menye jiroti yaafohi Yaꞌhuud ieheynane jirta. Saggoh yaafoha Yaꞌhuud ieheynan hugummeti Yaꞌhuud ikaholissa?

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Efeesso 2:15

Us Kiriisto ka iꞌdane yeele, amurre Muusati alohi ittaawe khabto omoottiis ka miig tire, ꞌdee yaafoha lammacho usu ka yaaftoo kaldaye husub kayeela. Iꞌda ka lammacho isineybicha.

Efeesso 3:6

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

1 'Dessaloonika 5:22

Suujoonki fil tuummane la kasoonokhda.