Galaatiya 1:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Iꞌdaasenyi wihi kaldaye leessi icho daddaagaan a mehe ya, “Eti goorat sina inno omhicho, Wori Haaggane us goorat baabiin ꞌdoono, iche toolla cheeka.”

Galaatiya 1:23 ပူးပေါင်းရင်းမြစ်များ

Hilassi Ergaano 19:13

ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.”

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 9:21

ꞌDooꞌdi usu daage tuumman la weyti girmeeste, “Eta ki goorat ilkerengeetti weene Yeerusaleem ka ꞌdooꞌdi magaha waho ꞌdabbaacho menya? Ulla intane yimiyye ꞌdee icho hida, khaata kuhaaniyyohi wewween igeecha menya?” worsateen.

Hilassi Ergaano 9:26

Saawulo chirri us ilkerengeetti weene Yeerusaleem yimiy ka, abatti Kiriisto ikhayin leheet. Iꞌdaasenyi iche tuumman usu weyti karoorte. A mehe usuhi rumanka abatti Kiriisto yitah ma rummeysatti.

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.