Galaatiya 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ eti Weeliis yahe isoobabbakkaahiche. Iꞌdane yeele ꞌdee anna Wori Haaggane Yeesso miinsan, yaafohi Yaꞌhuud ieheynan icheeka. Maanti wahaas iyitaaheen, weeli enenyete wihi an yeelo worsade ma jirin.

Galaatiya 1:16 ပူးပေါင်းရင်းမြစ်များ

Mattaayo 16:17

Yeesso wihi us ilaabe, “Siimon inam Yoohana, ati Waakh a kimaale. Iꞌdi tahe runtaas at cheekte ti weeli enenyet katimiy menye, iꞌdaasenyi Aabbaheeyki serey jiro iche kisoobabbakkaahiche.

Mattaayo 26:41

“Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Rooma 11:13

An atinhi yaafohi Yaꞌhuud ieheynane atin leeyyeeda. An a ergaanoti yaafohi Yaꞌhuud ieheynane, toro la hila wohoo weyti khummane iekkaacha.

1 Koriinto 15:50

ꞌDooꞌd Kiriistokaaw, wihi an atin icheeko kallaayo, sarti weeli enenyete jid ichoow diig khabto dakhi Waakh ma muꞌdan. Ommos wihi kheerowo inti berri walah ikakheerowin ma muꞌdan.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

2 Koriinto 5:16

ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.

Galaatiya 2:1

Inkoo guꞌh tomon ichoow affare kutte, Barnaba khabaayi, ilkerengeetti weene Yeerusaleem toro inokhde. Tiito laka a khaadde.

Efeesso 3:1

Jeenteti wahaas tuumman u, ani Baawulo iroonoti atinhi yaafohi Yaꞌhuud ieheynane an Yeesso Kiriisto ikahilo iche jeela ikijira.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

1 'Dessaloonika 2:16

Icho nahi Wori Haaggane yaafohi Yaꞌhuud ieheynan icheekno ꞌdee Waakh icho ribo laka jeyine ꞌdoonaan. Iꞌda ka la, kol dakkhan uskeelichooda on weyti isibuuraachaan. Kola holi Waakh icho a sooeleele.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 Timooti 1:11

Waakh la Wora Haaggan ka hili Yeedi Waakh lacheeko ichoow ki ergaano ichoow ki enenyet Yeedi Waakh laabcho a ikorche.

Ibiraaniya 2:14

Nyaakhutaas iꞌdaas us yadeeh u, a weeli enenyete sar ichoow diig khabo gone, Yeesso laka uummanki weeli enenyete inno leegisme. Iꞌdaas ka omoottiis ka Seytaanki enenyet omoot ikeeno miigtiis tuumman bar a tire,