Galaatiya 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Galaatiya 1:10 ပူးပေါင်းရင်းမြစ်များ

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

Mattaayo 28:14

Chirri gaafana waha daage la, uus ꞌdee sina atin kawaarinne, nahe yeed tuumman haagginna, atin ribna.”

Mattaayo 6:24

“Et kamur lamma ifalo mele. A mehe koo a ꞌdiiꞌdda ki addan la ꞌdoonta, toro la koo inkaanyitta ki addan la ꞌdarraawta. Waakh ichoow chilimme ba koloo kalday ma ifasso.

Hilassi Ergaano 12:20

Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.

Hilassi Ergaano 5:29

Beetero ichoow ergaanoti addan la mehe soolaabeen ya, “Wihi massan, nah Waakhe yeediis raahna, enenyet mee yeediis raahno.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Rooma 2:29

Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.

Rooma 2:8

Iꞌdaasenyi eti tuummane wihi awtiis kalday on yowti, toro la wihi rummaat ꞌdiiꞌdo, khollookh on raaho, Waakh a kabolkha, hol tusta.

1 Koriinto 10:33

Saggaasu la, ani walahbaaw an yeelo ka, wihi an yowdi iroonoteey menye, ꞌdooꞌdi addane kahamaadicha, ꞌdee ribnaan ꞌhelaan.

2 Koriinto 12:19

Chirraas tuumman kol nah ortiin ka isribno koogtahiin? Nah Waakh ortiis ka saggi ꞌdooꞌdi icho ichoow Kiriisto wohoo kalday yahiine iyeyyeena. Aalasseeyki an weyti ꞌdoono wihi nah yeello tuumman la a atin miigoochaan.

Efeesso 6:6

Yeedicho raaha. Waha la geeddi icho atin argaane atin icho kahamaadissaan kalday on mee, iꞌdaasenyi taba iꞌdi bowꞌdayyo Kiriistuu yeedicho raaha, wihi Waakh ꞌdoono tuum uurassiin ka yeela.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Kolossaay 3:22

Ilbooyye, taba wihi kamurretiinti harrata atin idowto tuumman raaha. Jeenteti atin Kamur ikaroortaan u, chirri icho atin ꞌdeyꞌdoochaan kaldach on menye, kol tuumman uuri haaggan ka icho kahamaadicha.

1 'Dessaloonika 2:4

Iꞌdaasenyi nah saggi ꞌdooꞌdi Waakh khaatte, hili Wori Haaggan lakorche iche iyeyyeena. Nah hol ma downo weeli enenyet ma kahamaadinno, Waakkhi uurasseen kajo kahamaadinna.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

1 Yoohana 3:9

Etoo kaldaye nyaakhuti Waakhenye uskeel goya kaassohti mele. Us jiroti Waakhe husube jira, uskeel goya kaassohan ma yabuuꞌd, a mehe us a nyaakhuti Waakh kichokoo.