Efeesso 5:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Efeesso 5:8 ပူးပေါင်းရင်းမြစ်များ

Mattaayo 3:8

Taba gurnaanki saggi rumanka atin uskeel ikasoonokhatteen tuso dela.

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Luuka 16:8

“Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Yoohana 12:35

Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.

Yoohana 12:36

Anihi banay atin ikeeno, geeddi an atin leejiro irummeesda, ꞌdee atin laka ꞌdooꞌdi banay goya kasohti ateeha.” Inkoo Yeesso waha yidah ka, ꞌdooꞌd katabe, irte dagte.

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Rooma 1:21

Icho eti Waakh yahe a abteene, eheetteey laka inkaanyiti kootte Waakh imale ma siinne, toro la kalaꞌd laka ma ilaabin. Wihi ꞌdalam on kamasseene, toro la uurassicho mugꞌdi weele.

Rooma 13:12

Ibeen kola a kute, il a soobarya. Maantaka taba, wihi suujenye mugꞌdi kasootaba. Birti haaggane banayeet okhsada, ꞌdee uskeel diha.

Rooma 2:19

Saggi at eti ki indo laa angaamicho, at banayhi ꞌdooꞌdi mugꞌdi goya kijiro, Waakh igaran itahe a tissibta.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

2 Koriinto 3:18

Inno tuumman la foolasseenki liiogoogin ka, a iꞌdoo inno ababnaanki Kamur kitaab goyaka bihinno. Geedda inno bihinno la a inno luurgiyicha, samacchaar usu iokkanaanna. Ababnaanka inno ababno la Rubeyti Kamure kayamiite, kakhayma weyti buuraata.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

2 Koriinto 6:14

Taba atin ichoow ꞌdooꞌdi Kiriisto irummeysan dahoo kalday akararanna. Iꞌdi tahe ꞌdooꞌdi fiffissan ichoow ki hugunꞌdarri kaassohti saggoh isiwalhichaan? Toro la ꞌdooꞌdi banay kijiro ichoow ki mugꞌdi kijiro ba kulankoo kalday a isleekhabaan?

Galaatiya 5:25

Jiroti inno jirro toolla Rubeyti Munyeenye kajirra gone, jiroteen ichoow Rubeyti Munyee a israaheen giꞌde.

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

Kolossaay 1:12

Waakkhi Aabbaheene kalaꞌd ilaabtaan. A mehe us atin ꞌdooꞌdi Waakhe goobi Waakhe ababo dalho leedalhin yabuuꞌd a atin kayeele.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.