Efeesso 5:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Atin a ꞌdooꞌdi Waakhe munyee gone, uus goytiin ka wahanyeyyohi iꞌdee jirin, ꞌdooꞌdi isidisanne isleeurꞌdo ommos biꞌdiri nool ommos suujoonki uurassiin goya kasoobaho ommos ꞌdamaam.

Efeesso 5:3 ပူးပေါင်းရင်းမြစ်များ

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Luuka 12:15

Yeesso la wihi us icho iyidah, “Yuubsada! ꞌDamaanki atin wihi atin ikhabin ꞌdoontaan ka isyaakhicha. Iꞌdi tahe jiroti mujjume hoolahi at khabto mee katamiit.”

Luuka 16:14

Farissaayo chiꞌiche ayta daagte ka tekkele ka Yeesso kareyatte. A mehe icho a ꞌdooꞌdi weyti chilimme ꞌdoono.

Hilassi Ergaano 15:20

Iꞌdaasenyi khadaab ichiirro ꞌdee gololi iyookkoyyo ka labiꞌdirrooche uumhana, toro la ꞌdooꞌdi isidisan uus isleeurꞌdine, naffi laluulliche uumhana, diig adamina inidaahe.

Hilassi Ergaano 20:33

An chilimme ichoow ꞌdahab ichoow gaaddi etoo addan ma maanjeeran.

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

Rooma 16:2

A atin daaha, jeenteti atin ichoow Kamur ba wohoo kalday itahiin u, nyaama soodowweesda toro la wihi iche atin kaꞌdoonto kagargaara. Iꞌda yeela iꞌdi ꞌdooꞌdi Waakh isiyeeluu. Iꞌdi tahe Fiibi rubeyche ꞌdooꞌdi ittaawenye gargaarte, toro la ani laka a igargaarte.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

1 Koriinto 10:8

ꞌDooꞌdaas gaasoo sohoꞌddarri kaassohte. Ibeenkoo kalday goyaka ꞌdooꞌdi elif tomon lamma ichoow elif seyyahe ꞌdebbeeste. Uus inno laka iꞌdichuu sohoꞌddarri kaassohan.

1 Koriinto 5:1

An a atin kanaha, wihi jiro a mehe ya, etoo goytiin ka sohoꞌddarriti suujenye kaassohta leessa. Sohoꞌddarritaas la a ti ꞌdooꞌdi Waakh igaran laka koloo iyeelin. Etoo laammo ooyohiissa inokhte.

1 Koriinto 6:13

Mehe leessa ya, “Golol uure liiyeele, uur la golole liiyeele.” Iꞌdaasenyi Waakh lammacho ba a baabiicha. Toro la sarti enenyet sohoꞌddarri mee liiyeele, iꞌdaasenyi hili Waakhe liiyeele. Kamur la usu sarteen lagta.

1 Koriinto 6:18

Taba, sohoꞌddarri kafirda. Uskeeli addane enenyet yeelo tuumman, koo sar uskulaacho mele. Iꞌdaasenyi eti sohoꞌddarri kaassohti sartiissa uskulaacha.

2 Koriinto 12:21

Jeenteti wahuu wihi an karooro maanti toro an atin iamiit Waakkheey ortiin ka a inuglaacha, an la jeenteti ꞌdooꞌdi buure uskeel iyeele uliba uskeelaas ikasoonokhan u a bolkha. Uskeelaas a wihi biꞌdire ichoow ꞌdooꞌdi isidisanne isleeurꞌdo ichoow sohoꞌddarriti icho yeeleen.

Efeesso 5:12

Iꞌdi tahe a lakhaanyo laka chirri inno wihi icho dagsi ka yeelaan kaayyeeno.

Efeesso 5:5

Waha tissiba giꞌde, eti sohoꞌddarri kaassohti ommos eti biꞌdire ommos eti ꞌdamaame, eti iꞌdee wihi us ꞌdamaam iyahe waakkhakh kayeessa gone, koo kaldaye dakh Kiriisto ichoow dakhi Waakh muꞌdan mele.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

1 'Dessaloonika 4:3

Wihi Waakh atin kaꞌdoono kallaayo, a atinhi jiroti munyee jirtaane, ꞌdooꞌdi isidisan isileeurꞌdine,

1 'Dessaloonika 4:7

Iꞌdi tahe Waakh jiroti biꞌdirenye lajiro ma inno iwahin. Iꞌdaasenyi a inno wahe ꞌdee jiroti munyee jirra.

1 Timooti 2:10

Iꞌdaasenyi deyyehoti ꞌdooꞌdi Waakh istadeeh, wihi lakasooraaho a haaggi iche yeesso.

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

2 Timooti 3:2

Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Tiito 2:3

Iꞌdaasu la, deyyehoti araarrinyee laka wihi at itadeeh, jiroticho ka, saggi deyyehoti munyee ijira. Iiche enenyet meꞌdeꞌddeeline, farsoti sabiib barin. Iꞌdaasenyi wihi haaggan enenyet a abisso,

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

2 Beetero 2:10

Kach ka la a ꞌdooꞌdi wihi kheerenye uurassicho goya kijiro uskeel imoono raaho toro weynaan rannyo. Icho wihi icho yeelin ꞌdoonaan ka roorro ma khabaane, rannyaate leeyahiine, toro la wahanyeyyohi iꞌdi herti Waakhe anto khabo liiargine icho leeabaarramaan ma karooraan.

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Bakkaahit 2:14

Iꞌdaasenyi wahanyeyyohoo rucchul a atin kakhaba. Atin intaas ka ꞌdooꞌdoo wihi Baalam enenyet abche raaho a khabtaan. Baalam usu Baalak saggi ꞌdooꞌdi Issiraayel liitarraantarricho abche, ꞌdee ꞌdooꞌdi Issiraayel gololi iyookkoyyohi waakkhakh lakayeessi liisoorriyooche yahame toro sohoꞌddarri liisoojiita.

Bakkaahit 2:21

An iche geeddi deer a ꞌdiiche ꞌdee sohoꞌddarritiche a kasoonokhatti, iꞌdaasenyi ma ꞌdoonto.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.

Bakkaahit 9:21

Toro la ꞌdooꞌd ogoossi dubunuunu lagelo ommos moroyyohi liirti ommos ꞌdooꞌdi isidisanne isleeurꞌdo ommos hatto ma kasoonokhan.