Efeesso 4:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Haag on enenyet iyeela, toro la enenyet uur inugleesda. Saggi Waakh laka jeenteti atin ichoow Kiriisto wohoo kalday itahiin u uskeeliin atin ikakutuu, atin laka eti uskeeloo atin iyeele, uskeel ikakuta.

Efeesso 4:32 ပူးပေါင်းရင်းမြစ်များ

Mattaayo 6:12

Uskeeli nah yeelle nah ikakut, saggi nah laka ꞌdooꞌdi uskeel nah iyeele uskeel ikakunnuu.

Marko 11:25

Chirra atin tolossattaane weysattaane, etoo la wohoo ikhabtaan etaas wahaas ikakuta ꞌdee Aabbahiinki serey jiro uskeeliin a atin ikakuto.”

Luuka 1:78

A mehe, Waakkheen uure nugulyahe toro a haagganyahe. Kamureen ꞌdooꞌdiis a riba, banayhiis la iꞌdi orrahti baryo sookortuu inno siicha,

Luuka 11:4

Uskeeleenyo nah ikakut, iꞌdi nah laka ꞌdooꞌdi uskeel nah iyeele uskeel ikakunnuu. Toro la kajmeti uskeel nah kaluguꞌddo nah kajeyi.’ ”

Luuka 17:4

Chirri us orrahtoo goyaka laka kol teeba uskeel kiyeele, kolal teebaccho ba la uskeelaas kisoocheekte, ‘Uskeeleey a kasoonokhda, iileeraahin,’ kiyidah, uskeelaas ikakut.”

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Luuka 6:37

“Taba uurassiin goyaka enenyet ahukkumina uus Waakh atin hukkumine. Taba enenyet uskeele yeesseen iidowina, uus atin laka uskeele yeesseen atin liidaahane. Taba enenyet uskeel ikakuta, ꞌdee uskeeliin a atin liikakuto.

Hilassi Ergaano 28:2

ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen.

Rooma 12:10

Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

1 Koriinto 13:4

Eti enenyet ꞌdoono, a eti garrahsi lehe, uure nugulyahe, inaaf ma khabo, ma isatahnoocho, ma eylajo.

2 Koriinto 2:10

Chaꞌatin etoo uskeel ikakutteen, an laka a ikakute. A mehe wihi an ikakute, chiꞌ rumanka wohoo lakakuto jireen a iroonotiinna, an Kiriisto ortiis ka wahaas a ikakute.

2 Koriinto 2:7

Iꞌdaasenyi kola a atin imasse chaꞌatin etaas uskeelaas ikakuttaane, toro la uur khoboossaan uus ꞌdee oytinti buurenye us ooyo ka rubeye jebine.

2 Koriinto 6:6

Jiroti eloo rucchul laka ikhabine nah jirre ka, runti Waakhe nah abanne ka, samacchaari nah eheet ka, uuri ꞌdabakhenye nah khabne ka, Rubeyti Munyeenye goyteenyo kajirto ka, ꞌdooninti rummaate nah khabne ka, saggi nah ilbooyyeti Waakh inahe a laarge.

Efeesso 5:1

Atin a nyaakhuti Waakhe us weyti ꞌdoono gone, taba giꞌde, fataliis jira.

Yaakoobo 5:11

Saggi atin igarattaan u, inno ꞌdooꞌdi sinayyo lakawaariche garrahsate ꞌdooꞌdi Waakh imaale iekkaanna. Atin saggi Ayuub igarrahsate ichoow wihi Kamur yomboka iyeele a daagteen. Waakh weyti uur nugulyahe, toro la enenyet a isoonaha.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

1 Yoohana 1:9

Chirri inno uskeeleen Waakh icheekanne, usu a lakakhuufa toro wihi rummaat on yeela, uskeeleen a inno ikakuta toro la khollookh tuumman inno kadikha.

1 Yoohana 2:12

Nyaakhuteeyki an weyti ꞌdoono, waansihane atin isoochiira, a mehe jeenteti magah Yeessuu, Waakh uskeeliin a atin ikakute.