Efeesso 4:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Taba kol tuumman isnuglaacha toro la ꞌdooꞌdi samacchaare ateeha. Garrahsada, toro la jeenteti atin isiꞌdoontaan u ꞌdooꞌdi addan akaahhollowina.

Efeesso 4:2 ပူးပေါင်းရင်းမြစ်များ

Mattaayo 11:29

Kaaleya, hil ileesoogela, walah ikaabda. Iꞌdi tahe ani uureey ka a etoo samacchaarenye, toro isnuglaacho, ani la a atin naschaa.

Marko 9:19

Yeesso wihi us ilaabe, “ꞌDooꞌdi weyꞌdane Waakh ikakhuufin, geeddoh atin leefiddiyo? Geeddoh atin igarrahsadi? Ínam ikeena!”

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

1 Koriinto 13:7

Us walah tuumman a siꞌda, walah tuumman kakhuufa, walah tuumman ka khajjeel a khaba, kol dakkhan la a garrahsata.

Galaatiya 6:2

Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Kolossaay 1:11

Toro la Waakh ba miigtiisti miig tuumman kussan ka atin miigoocha, ꞌdee walahbaaw atin isoobahe ka ꞌdooꞌdi samacchaare tateehiine, garrahsattaan. Toro la hamaadi buure ka,

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

2 Timooti 2:25

ꞌDooꞌdi usu tirrimo laka samacchaar on walah abcha, kolossoo Waakh ꞌdooꞌdaas rubeyohi uskeel kasoonokhti a siicha, runtaas rummeestaane ulla icho woya.

Yaakoobo 1:21

Maantaka, wihi uurassiin biꞌdirroocho tuumman ichoow suujoonki noole atin yeessaan kasootaba. Wori Waakh uurassiin goya gesse ribin atin yabuuꞌd samacchaar on khaadda.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.