Efeesso 4:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Icho chiꞌicho suujoon yeelaan laka kola leelakhaanyo mee. Wihi sarticho ꞌdoonto iꞌdaanu yeelaan. ꞌDamaam ka biꞌdiri noole kol dakkhan iamuumaan.

Efeesso 4:19 ပူးပေါင်းရင်းမြစ်များ

Marko 7:22

Wihi addan a mejeli makhaabassi tiis ieheynan leeurꞌdo, ꞌdamaam, uskeeli layeelo, ekkeysi, sohoꞌddarri, kalꞌdarri, ham, rannyaat ichoow ꞌdalammoon.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

1 Timooti 4:2

Worassi iꞌdee inti icho kayamiitiin a ꞌdooꞌdi iskaayyeelo beeno leh. Rubeyohichoki haag ichoow suujoon seley saaho a iꞌdoo gaꞌdaari kuleele ka lakobdaaddinooche.

1 Beetero 4:3

Goorat ꞌhor jiroti atin jirteen ka wihi ꞌdooꞌdi Waakh igaran yeelo goosseene geeddi deer yeesseen. Wihi atin yeesseen a iꞌdi maanta sohoꞌddarri ichoow suujoonki liimoono ichoow meleefu. Wihi addan a daawohi biꞌdirenye enenyet sohoꞌddarri kalugꞌdo ichoow wahnaanki suujenye iyookkoyyohi waakkhakh lakayeessi lawahti.

2 Beetero 2:22

Wihi icho kayitah a mammahti rummaate goorat, “Kar jilbiibotiissa inokhta,” liidahye, ommos, “Golchati ladikhe toro a nokhatta sub kafadda,” liidah.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”