Efeesso 4:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Efeesso 4:1 ပူးပေါင်းရင်းမြစ်များ

Hilassi Ergaano 9:31

ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Rooma 11:29

Iꞌdi tahe Waakh ꞌdooꞌdi us siintiis iꞌdaanu siicho ichoow ꞌdooꞌdi us waho ka maliis ma urgiyicho.

Rooma 12:1

Maantaka ꞌdooꞌd Kiriistokaaw, jeenteti uurnugleeli Waakh u, a atin hawwaasda, taba sartiin Waakh ibahcha, iꞌdi soorriyoti jirto toro la munyee u. Soorriyotaas la a ti Waakh kahamaadisso. Waha la a saggi imasse atin Waakh iwahattaan.

1 Koriinto 4:16

Maantaka a atin hawwaasda, taba dabateey sooraaha.

2 Koriinto 10:1

Ani Baawulo uur Kiriistoki ꞌdabakhe ka ichoow samacchaar Kiriisto ka a atin hawwaasda. Waha a anihi chaꞌan atin leejiro, uure ꞌdabakhyahe leessi, iꞌdaasenyi chaꞌan atin ileejirin roorro ma khabo leessi.

2 Koriinto 5:20

Maantaka nah a ꞌdooꞌdi meel Kiriisto kijiro. Waha a iꞌdoo Waakh nah ka enenyet hawwaasti. Nah la a atin hawwaassanna iroono Kiriistuu taba keennaanki Waakh ankiis atin keeno raaha.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Galaatiya 4:12

ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Efeesso 3:1

Jeenteti wahaas tuumman u, ani Baawulo iroonoti atinhi yaafohi Yaꞌhuud ieheynane an Yeesso Kiriisto ikahilo iche jeela ikijira.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Efeesso 4:4

Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Fiiliffi 3:14

Maantaka, inti an kamassicho hol idowa, ꞌdee siinti Waakh Yeesso Kiriisto ka goobi Waakh ka iwahe ꞌhela.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Kolossaay 2:6

Maantaka atin Yeesso Kiriisto Kamur a kayeelatteen gone, taba giꞌde kol dakkhan usu leejira.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

Tiito 2:10

Toro la bowꞌdayyo iicho kamurreticho hatin. Iꞌdaasenyi ꞌdooꞌdi tuum lakakhuufo a eheetti. Iꞌda ka walahbaaw icho yeelaan ka, yeedi wori rummaate Waakkhi ꞌDoorribeheene kayamiit saaꞌdo ikeenaan.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

2 Yoohana 1:5

Maantaka makhaabassaneey, amura an kisoochiiro koo husub menye, a ki uus uumaccho ka inno khabne one, a kihawwaasdee, taba a isꞌdoonno.