Efeesso 3:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Toro la Waakh dakhi wihi tuummane dagsaneete us enenyet ikhabo miinsan ꞌdooꞌd latuso a igesse. Waakkhi walah tuumman soouume la, wahanyeyyohaas injire enenyet ma isoobabbakkaahin.

Efeesso 3:9 ပူးပေါင်းရင်းမြစ်များ

Mattaayo 10:27

Wihi an mugꞌdi ka atin iadeeh, maalim cheeka, wihi nabah ka atin liicheeke atin daagteen minan sarcho ka cheeka.

Mattaayo 13:35

ꞌDeerka wihi goorat eti Waákh íyeyyeedo ka lacheeke labuuhiche. “Chirri an icho leeyeyyeedo, a imammahda, wahanyeyyohi uus an harra soouume dagsaneet icheeka.”

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Yoohana 10:30

Ani ichoow Aabbaheey a koo kalday.”

Yoohana 5:17

Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.”

Yoohana 5:19

Yeesso wihi us jaldaabti Yaꞌhuud ilaabe, “Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. Iꞌdi tahe wihi Aabbahiis yeelo on Weeliis laka yeela.

Hilassi Ergaano 15:18

goorat archiiy waha ꞌdooꞌd idowdowe essa.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Efeesso 3:2

Saggi dakhi haaggi Waakhe buurenye atin iroon ani liisiiche a daagteen gon.

Efeesso 6:19

Ani laka Waakh isoowaha, ꞌdee chaꞌan yeyyeedo, Waakh wihi an adeeh a isiicho, ꞌdee roorro laan enenyet wihi dagsane Wori Haaggan miinsan a icheeko.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Kolossaay 1:26

Waha la uuꞌ lasoobahe ichoow kholoyyo tuumman ka a wihi dagsane, iꞌdaasenyi toolla ꞌdooꞌdi Waakh a liisoobabbakkaahiche.

Kolossaay 3:3

Iꞌdi tahe atin a tuunteene, toolla la jirotiin ichoow Kiriisto ba Waakh goya kadagsanyahiin.

Kolossaay 4:3

Geeddaas la toro Waakh nah isoowaha, ꞌdee Waakh aritti nah wori Waakh kacheekno a nah ifaho. Wora la a wori goorat dagsane Kiriisto miinsan. Anna jeenteti worane jeela ikajira.

2 'Dessaloonika 2:13

ꞌDooꞌd Kiriistokaaw, Kamur weyti atin ꞌdoona. Nah jeenteti Waakh orey on atin isoobahsate toro la atin iribuu, Waakkhi nah kalaꞌd ilaabno a imasse. A mehe Waakh hili Rubeyti Munyee munya inno kayeesso ichoow runti Waakhe inno rummeysanni ka a atin riba.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 14:6

ꞌDeerka hertoo Waakhe addane serey katariꞌd arge. Iche la Wori Haaggane jirtuu imassanne khabte, ꞌdee weeli enenyete harra kijiro, ilal tuumman ichoow yaafo tuumman ichoow afaf tuumman ichoow fil tuummane icheekta.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”