Efeesso 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Ani siinti haaggi Waakhe buurenye miigtiis ka liisiiche, falfati Wora Haaggan itah.

Efeesso 3:7 ပူးပေါင်းရင်းမြစ်များ

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

2 Koriinto 3:6

Waakh ꞌdooꞌdi ayyinti husube us gooche ifalin yabuuꞌde nah kayeele. Ayyinta husub la amurreti chiiran menye, a wihi Rubeyti Waakh kayimiy. A mehe amurreti lachiire omoote keenta, iꞌdaasenyi Rubeyti Munyee jiro keenta.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

Galaatiya 2:8

A mehe Waakkhi hili Waakh liihilo ka Beetero ergaanoti ꞌdooꞌdi Yaꞌhuud kayeele, ani laka hili Waakh liihilo ka ergaanoti yaafohi Yaꞌhuud ieheynan a ikayeele.

Efeesso 1:19

toro la miigtiisti wohoo liikeekkaanne innohi usu rummeysanne inno gargaarto, wihiche abattaan. Miigta ichoow ti

Efeesso 3:2

Saggi dakhi haaggi Waakhe buurenye atin iroon ani liisiiche a daagteen gon.

Efeesso 3:20

Waakh a lakoolicho giꞌde! Iꞌdi tahe Waakh miigtiisti goyteen ka hil haaggin tabuuꞌd ka, wihi inno daahne ichoow wihi inno rerreegno tuumman ꞌdirihichooda inno iyeela.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.