Efeesso 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaasenyi Waakh weyti uurnugulyahe. Jeenteti ꞌdooninti buurenye Waakh inno ꞌdoonuu,

Efeesso 2:4 ပူးပေါင်းရင်းမြစ်များ

Luuka 1:78

A mehe, Waakkheen uure nugulyahe toro a haagganyahe. Kamureen ꞌdooꞌdiis a riba, banayhiis la iꞌdi orrahti baryo sookortuu inno siicha,

Rooma 10:12

Waha mehe tusaan ya, eti Yaꞌhuude ichoow eti Yaꞌhuud ieheynan seley ma gaan. Kamur a Kamuri enenyet tuummane, ulla eti tuummane usu wahe, weyti imaala.

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

2 'Dessaloonika 2:13

ꞌDooꞌd Kiriistokaaw, Kamur weyti atin ꞌdoona. Nah jeenteti Waakh orey on atin isoobahsate toro la atin iribuu, Waakkhi nah kalaꞌd ilaabno a imasse. A mehe Waakh hili Rubeyti Munyee munya inno kayeesso ichoow runti Waakhe inno rummeysanni ka a atin riba.

1 Timooti 1:14

Kamureen la haaggiiski buurenye an imunneynan weyti ituste. Toro la Yeesso Kiriisto ka, kakhuufnaanki an Waakh kakhuufo ichoow ꞌdooninti an ꞌdooꞌd ꞌdoono a isiiche.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.