Efeesso 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 2:2 ပူးပေါင်းရင်းမြစ်များ

Mattaayo 11:19

Ínam Aadam a yimiyye, golossate, farsoti sabiib laka dame icho la mehe essaan ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’ Iꞌdaasenyi kharati Waakh runtiche wihi iche yeesso lakaarga.”

Mattaayo 13:22

ꞌDooꞌd gaasoo a iꞌdi inti geeyohi rurrucchule kudah khabto. Ilmohi harrata kadiho a iꞌdi eti Yeedi Waakh daago, raaho, iꞌdaasenyi waꞌdwaaꞌdi harrata ichoow ꞌdamaanki kamurroon ba afchaane, gurnaan icho delaan mele.

Mattaayo 13:38

Gos la harra itoolla, ilinti haaggan la ꞌdooꞌdi dakhi Waakhe itolossa, haraame la a nyaakhuti ki uskeel leh.

Marko 4:19

iꞌdaasenyi dowwa on waꞌdwaaꞌdi harrata ichoow ꞌdamaanki kamurroon ichoow wahanyeyyohi addane liimoono ba Yeeda afchaane, gurnaan icho delaan mele.

Luuka 16:8

“Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Luuka 22:31

Yeesso toro wihi us yidah, “Siimon, Siimon, daganso! Seytaan saggi enenyet ꞌdargaayye ichoow chaafo seley ibahchuu, antohi us atin kakajo a daahe.

Yoohana 12:31

Ibeenki Waakh ꞌdooꞌdi harrata hukkumo kola a yitah. Waakh toolla karnati harrata a riha.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 13:27

Uus Yuuda makaate khaate, Seytaan goytiis gele. Yeesso la wihi us Yuuda iyidah, “Nyaam, wihi at sooyeesso dowwa yeel!”

Yoohana 14:30

Geeddi deer ma atin leeyyeedo, a mehe karnati harrata a soosohtaa. Us miig ma ikakhabo,

Yoohana 15:19

Chirri kootte atin iꞌdi ꞌdooꞌda harrata tahiin, ꞌdooꞌdaas a atin ꞌdoona, iꞌdi ꞌdooꞌdichuu. Atin ꞌdooꞌdi harrata menye, iꞌdaasenyi an a atin soobahsade. Jeentetaase ꞌdooꞌdi harrata atin iꞌdiiꞌda.

Yoohana 16:11

Mali icho khabaane saggi Waakh ꞌdooꞌdi harrata ꞌdee ihukkumo miinsan a baabul, iꞌdi tahe Waakh orey on karnati harrata uskeel igooche.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Yoohana 8:23

Iꞌdaasenyi Yeesso wihi us iyidah, “Atin a ki ilane, anna a ki saraat. Atin a ki harratane, anna ki harrata mee.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Hilassi Ergaano 19:35

Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti?

Hilassi Ergaano 5:3

Beetero la mehe iyidah ya, “Anaaniya, saggoh Seytaan uuraah ibuuhiche, ichoowka Rubeyti Munyee been ikagoosse, chilimmeti gosaah bahe gaasoo ilaabatte?

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

1 Koriinto 5:10

Iꞌdaasenyi an wori ꞌdooꞌdi harratane sohoꞌddarri kaassohti ommos ꞌdooꞌdi ꞌdamaame ommos ki enenyet kakharaawo ommos ki iyookkoyyohi waakkhakh lakayeessi wahti mee woriis kaayyeedo. Iꞌdaas ka harrata dakkhane katabtaan.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Efeesso 1:21

Intaas ka Kiriisto herti Waakh ichoow ginnayyo tuumman ichoow wihi anto khabo tuumman ichoow kamurre tuumman dakhta. Us magahenyeti enenyet liibahcho tuumman laka a kussayyahe, ti weyꞌda jirto ichoow ti jirtuu tuumman soojirto.

Efeesso 2:11

Maantaka, atinhi yaafohi Yaꞌhuud ieheynan kadelatteen, bal wihi goorat atin ꞌhor eheet kasooꞌhela. Yaafohi Yaꞌhuud mehe atin yadeehiin ya, “ꞌDooꞌdi ikhandiineynan.” Icho la mehe isyadeehiin ya, “ꞌDooꞌdi khandiyan.” Iꞌdaasenyi, khandihaas a wihi enenyet on sar lagoggoocho, dahanti weeli enenyet on yeesso.

Efeesso 2:13

Iꞌdaasenyi atinhi goorat Waakh foga ileejirteene toolla atin ichoow Yeesso Kiriisto ba wohoo kalday titaaheen, diig Kiriisto ka, Waakh a atin liisoodowwaache.

Efeesso 2:3

Inno tuumman laka ꞌhor iꞌdichooda eheete, wihi uurasseen goya kijiro uskeel imoono on iamuunne, uskeeli uurasseen ichoow malasseen ꞌdooneen on maanjeeranne. Inno iꞌdi ꞌdooꞌdi addan u wihi inno imale a holi Waakh.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

Kolossaay 1:21

Atin goorat ꞌhor Waakh foga ileejirteene, maliin ka chiiytiissa eheet jeenteti atin uskeel iyeesseen u.

2 Timooti 4:10

Iꞌdi tahe Deema jeenteti us wahanyeyyohi harrata ikalooꞌduu adah a ikakhabte, ilkerengeetti ꞌDessaloonika irte. Kireeske la boroofenhi Galaatiya irte, Tiito la boroofenhi Dalmaatiya irte.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Yaakoobo 1:7

Eti iꞌdee uus kol us Waakh wohoo kaꞌhelo koogeynan.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

1 Beetero 1:14

Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

1 Beetero 4:3

Goorat ꞌhor jiroti atin jirteen ka wihi ꞌdooꞌdi Waakh igaran yeelo goosseene geeddi deer yeesseen. Wihi atin yeesseen a iꞌdi maanta sohoꞌddarri ichoow suujoonki liimoono ichoow meleefu. Wihi addan a daawohi biꞌdirenye enenyet sohoꞌddarri kalugꞌdo ichoow wahnaanki suujenye iyookkoyyohi waakkhakh lakayeessi lawahti.

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

1 Yoohana 4:4

Atinhi nyaakhuteeyenye an weyti ꞌdoono, atin a ki Waakhe toro ꞌdooꞌdaas a soorisseen gon. A mehe Rubeyti Munyeenye goytiin kijirto, Seytaanki harrata kijiro a kussantahe.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

1 Yoohana 5:4

A mehe ꞌdooꞌdi tuummane nyaakhuti Waakhe harrata suuje a soorichaan. Saggane harrata isoorinna, Yeesso kakhuufna.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.