Efeesso 2:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Efeesso 2:18 ပူးပေါင်းရင်းမြစ်များ

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Yoohana 10:7

Maantaka Yeesso toro wihi us yidah, “Rume atin icheeka, ani a iꞌdi aritti sunki iiyyaat.

Yoohana 10:9

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

1 Koriinto 8:6

inno ka Waakkhoo kalday on jira, ulla a Aabbaheenna. Walah tuumman usu kayimaateene, inno la usu ijirra. Toro la Kamuroo kalday on jira, ulla a Yeesso Kiriisto. Usu on ka Waakh walah tuumman soouume, inno la usu on ka jiro ꞌhelle.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Efeesso 3:12

Inno ichoow Kiriisto a wohoo kalday gone, toro la usu a kakhuufna gone, a geeddi inno roorro laan Waakh idowwaanni.

Efeesso 3:14

Ani la jeenteti waha tuumman u, Waakkhi Aabbaheene ortiis ka jilbo il kaguꞌdda, Waakkhi Aabbaheene atin iwaha.

Efeesso 4:4

Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Kolossaay 1:12

Waakkhi Aabbaheene kalaꞌd ilaabtaan. A mehe us atin ꞌdooꞌdi Waakhe goobi Waakhe ababo dalho leedalhin yabuuꞌd a atin kayeele.

Ibiraaniya 7:19

A mehe amurre Muusa walah tuum ma kayeesso. Iꞌdaasenyi khajjeeli inno toolla khabno, khajjeeli goorat inno khabne khuuf on kadeefa, Waakhe inno idowwaachaa.

Yaakoobo 3:9

Inno harraba on Kamureen ichoow Aabbaheen kakoolinna, toro harraba on ka weeli enenyete Waakh iyookkotiis ka soouume falla.

1 Beetero 1:17

Atin Waakkhi Aabbaheenenye enenyet seley isassaahine ebba wihi us yeelo on ka hukkumo wahattaan gone, taba geeddi atin harrata ka jirtaan tuumman usu inkaanyita.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Yuuda 1:20

Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.