Efeesso 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Efeesso 2:12 ပူးပေါင်းရင်းမြစ်များ

Luuka 1:72

Toro Kamur ayyintiisti munyeenye us gooche, us aacchinyeteen uur isoonugleesti ma kadabo.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

Yoohana 4:22

Atinhi yaafohi Saamariya chirri atin Waakh wahattaan laka, atin usu rubeytiis ma garattaan. Nahi yaafohi Yaꞌhuude la, Waakkhi nah wahanni a garanna. A mehe eti ꞌdoorribo yaafohi Yaꞌhuude kayamiit.

Hilassi Ergaano 2:39

Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”

Hilassi Ergaano 28:20

Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”

Hilassi Ergaano 3:25

Atin a yeeleti ꞌdooꞌdi Waákh íyeyyeedo toro a yeeleti ayyinti Waakh aacchinyetiin igooche muꞌdan. Waakh Aburaaham mehe iyidah ya, ‘Hiiyyaah ka, ꞌdooꞌdi harra tuumman a imaala.’

Rooma 9:8

Waha la wihi icho yihiin a waha, nyaakhuti Aburaaham uume tuumman mee rumanka nyaakhuti Waakhe, nyaakhuti ayyinti Waakh gooche kadesse on nyaakhut Aburaaham liiekkaacha.

Galaatiya 4:8

Orey goorat atin Waakh ma garattaane, wahanyeyyohoo rumanka Waakh ieheynane bowꞌdaticho eheet.

Efeesso 2:19

Jeenteti waha u atinhi yaafohi Yaꞌhuud ieheynan kola ꞌdooꞌdi liigaran ichoow marti mee, iꞌdaasenyi atin ꞌdooꞌdi Waakh goya kijirtaane, toro la a ꞌdooꞌdi minki Waakh.

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

Kolossaay 1:21

Atin goorat ꞌhor Waakh foga ileejirteene, maliin ka chiiytiissa eheet jeenteti atin uskeel iyeesseen u.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Kolossaay 1:5

Wihi atin iꞌda kayeesseen la, a jeenteti atin saggi Waakh goobiis ka haaggi nool atin iabbire, atin ikhajjeessaan. Haagga Waakh la orey on daagteen, maanti atin Wori Haaggane rummaat daagteen.

1 'Dessaloonika 4:13

Toollaka ꞌdooꞌd Kiriistokaaw, atinhi wihi ꞌdooꞌd Kiriistoki tuume kayateeh wihicho abattaane ꞌdoonna, ꞌdee jeentetichuu iꞌdi ꞌdooꞌdi addane khajjeel ikhabin u ooyina.

1 'Dessaloonika 4:5

Iꞌdi ꞌdooꞌdi Waakh igaranne eti tuummane icho argaan ichohi leeurꞌdo imoono iitaahana.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 Timooti 1:1

Eti khadaaba kisoochiiro a ani Baawulohi ergaano Yeesso Kiriistee. Ani la Waakkheenki ꞌDoorribeheene ichoow Yeesso Kiriistohi inno khajjeello iche amuricho ka ergaano ikayeele.

Ibiraaniya 11:34

gaasoo laka ꞌdabi buure jiccheene, gaasoo laka ꞌdooꞌdi birlabbe ka ogoos marmo kabahsateen. Icho a ꞌdaꞌddarneete, iꞌdaasenyi miigoween. Toro la iskarti diho ka mimmiigenye chiiyo firdisso yitaaheen.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

Ibiraaniya 8:6

Iꞌdaasenyi Yeesso hili ki kuhaaniyyoha weyti kussane lasiiche. A mehe ayyinti husube Waakh gooche us dahgele yahe, ayyinti oraate amurre Muusa keente weyti kussantahe. Waha la a jeenteti iche ayyinti weyti deefto iraahto.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.