Efeesso 2:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Efeesso 2:10 ပူးပေါင်းရင်းမြစ်များ

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

Yoohana 3:21

Iꞌdaasenyi eti tuummane wihi rummaat yeelo banay goya soogela, ꞌdee banay la saggi wihi us yeele wihi Waakh ꞌdoono iyahiin tusaan.”

Hilassi Ergaano 9:31

ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Hilassi Ergaano 9:36

Ilkerengeetti Yooba ka makhaabassoo abatti Kiriisteenye Tabiita layadeeh a jirte. Magahiche afi Giriig ka a Dorkas. Afaf lammacho ka chiꞌ lalaabe a Hoól. Iche la kol tuumman ꞌdooꞌd wihi haaggane iyeesse, toro la miskiino gargaarte.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Rooma 8:29

Iꞌdi tahe Waakh uumaccho on ka ꞌdooꞌdi kiise garte, toro la ꞌhor on ꞌdooꞌdaas saggi us iꞌdi Weeliis ikayeelo gooche. Ulla iꞌdane yeele, ꞌdee Weeliis ꞌdooꞌdi ittaawenye Kiriisto rummeeste goyaka teyyan yateeh.

1 Koriinto 3:9

Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

2 Koriinto 5:5

Toolla Waakh rubeytiis waha a inno itannabiche. Ulla toro Rubeyti Munyeenye inno siiche, ꞌdee iche ka, saggi inno wihi us inno iabbire tuumman tuum rumanka iꞌhello inno tuse.

2 Koriinto 9:8

Waakh la haaggiiski buure tuumman ka wihi atin ꞌdoontaan ꞌdirihicho laka atin siin a yabuuꞌde, ꞌdee walah tuumman ka ichoow kolal tuumman ka wihi atin ꞌdoontaan tuumman khabtaane, hili haaggan tuumman la buuhissaan.

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Efeesso 2:13

Iꞌdaasenyi atinhi goorat Waakh foga ileejirteene toolla atin ichoow Yeesso Kiriisto ba wohoo kalday titaaheen, diig Kiriisto ka, Waakh a atin liisoodowwaache.

Efeesso 2:15

Us Kiriisto ka iꞌdane yeele, amurre Muusati alohi ittaawe khabto omoottiis ka miig tire, ꞌdee yaafoha lammacho usu ka yaaftoo kaldaye husub kayeela. Iꞌda ka lammacho isineybicha.

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 2:6

Toro la wohoo kaldaye Waakh inno ichoow Yeesso Kiriisto inno kayeele ka, Kiriisto omoot a inno kaleesookahche, goobi Waakh ka komborti antoot inno kaleeorrommiche.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Efeesso 4:24

Wihi ꞌdaꞌddaboot, Waakh a atin soouume, ꞌdee ꞌdooꞌdoo huhhusube iꞌdiisenye rumanka fiffissane toro munyee tateehiin.

Fiiliffi 1:6

Wihi an tissibo a waha, Waakkhi hila haaggan goytiin ka sooumhe, orey on iwoya ichoowka ibeenki Yeesso Kiriisto soonokhti ka hila haaggan massicha.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Kolossaay 3:10

Toro la jiroti husube gessatteene, jirotaas ka la kol dakkhan Waakhe atin husubnaacha, ꞌdee usu rumanka abattaane, iyookkoti Waakkhi atin soouume raahtaan.

2 'Dessaloonika 2:17

wihi haaggane atin yeessaan ichoow wihi atin tadeehiin tuumman ka atin faajjiya, toro atin miigoocha.

1 Timooti 2:10

Iꞌdaasenyi deyyehoti ꞌdooꞌdi Waakh istadeeh, wihi lakasooraaho a haaggi iche yeesso.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

1 Timooti 5:25

Saggaas u la haaggi enenyet yeelo iꞌdaanu laarga. Iꞌdaasenyi chirri haaggi icho yeelaan liiargin laka, ma dagti.

1 Timooti 6:18

Haag on a yeeleene, haaggaas icho yeelaan ka la kamurre a yitaaheen. ꞌDooꞌdi uurnugleel ka walah diibo a yitaaheene, wihi icho khabaan la ꞌdooꞌd a leegismeen.

2 Timooti 2:21

ꞌDooꞌdi uskeeli us yeelo iskadikhe a iꞌdi karmohi khummane, lamunyaache, latannabiche hili haaggan lakahaagsati.

2 Timooti 3:17

Iꞌda ka eti Waakh hili haaggan tuumman tuume haaggin yabuuꞌde, toro liitannabicha.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Tiito 2:7

Ati rubeytaah la wihi tuummane at yeesso ka, iyookkoti haaggane icho raahaan iateeh. Saggi at enenyet walah iabisso ka, eloo rucchul laka atusine, wohoo ꞌdabakhe iikhaatine,

Tiito 3:1

Tab ꞌdooꞌd Kiriisto kasooꞌheliche, ꞌdooꞌdi anto khabo ichoow karnatohi sirgaal ba a inkaanyiteene wihi liiꞌdoono kol tuumman a raaheene wihi haaggan la a itannabteene a yeeleen.

Tiito 3:14

Wihi an ꞌdooꞌdeen kaꞌdoono a ichohi geeddi icho yabuuꞌdiin haag yeelin abtaane, ꞌdee ꞌdooꞌdi rumanka gargaar ꞌdoono gargaareene, ꞌdee iicho jiroti indigir laa jirin.

Tiito 3:8

Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.

Ibiraaniya 10:24

Saggi inno uur isimiigoonno, ꞌdee ꞌdoonin isikhabno, haag la isiyeello kamalanni giꞌde.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

1 Yoohana 2:6

Eti tuummane Waakh goytiissa kijira essi, jiroti Yeesso jire iche jira.