Efeesso 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Atin ꞌhor anki Waakh ka ꞌdooꞌdi tuume eheet, a mehe atin wahanyeyyohi Waakh a daagiwwaayteene, toro uskeele yeesseen.

Efeesso 2:1 ပူးပေါင်းရင်းမြစ်များ

Mattaayo 8:22

Iꞌdaasenyi Yeesso wihi us iyidah, “Isooraah. ꞌDooꞌdi tuume lamaaꞌdo a hili ꞌdooꞌdi tuume.”

Luuka 15:24

Iꞌdi tahe inankeeyka a iꞌdoo goorat us yumuyye toolla la a sookahe, goorat a baabe toollaka a soonokhte!’ Sukuuku ꞌdeerka labahche.

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Yoohana 10:10

Eti walah hato, ogoos ichoow wihi us baabiicho on menye, walah addane us iyamiit mele. An la a imiyye ꞌdee jiro tuum ꞌhessaan.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 5:21

Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Koriinto 15:45

ꞌDeerka wihi chiiran, “Eti oraate Aadam layadeeh, eti noole eheet.” Iꞌdaasenyi, Aadamhi ꞌdaꞌddaboot a Rubeyti enenyet jiro siisso.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Kolossaay 2:13

Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.

1 Timooti 5:6

Iꞌdaasenyi muunkhoti wihi kahamaadicho on yeesso, chiꞌiche noossahe laka, a iꞌdoo iche tumuy on.

1 Yoohana 3:14

Saggi inno omoot iꞌdallaabsanne inno jiroti jirtuu imassan ikhabno a garanna, a mehe inno ꞌdooꞌdi Kiriisto rummeeste a ꞌdoonna. Eti etoo koo Kiriistee iꞌdoonin la, omoot goya fiddiya.

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.