Efeesso 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Waakkheenki Aabba Yeesso Kiriistohi Kamureene koolinno. Waakh Kiriisto ka, goobi Waakh goyaka buuhi Rubeyti Munyee kayamiit tuumman a inno imaale.

Efeesso 1:3 ပူးပေါင်းရင်းမြစ်များ

Luuka 2:28

Siimiyon weel okhsate, Waakh kooliche wihi us yidah,

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Rooma 12:5

saggaas on u innohi ittaawe laka, jeenteti inno ichoow Kiriisto ba wohoo kalday inahuu, a iꞌdi sartoo kaldaye miilassi ittaawenye iskaattoollo khabto.

Rooma 15:6

ꞌdee atin tuumman hooyoo kalday ka Waakkhi Yeesso Kiriistohi Kamureene Waakkhiisenye toro la Aabbahiise saaꞌddaan.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

1 Koriinto 12:12

Sarti enenyet a too kaldach on, chirri iche miilassi ittaawe khabto laka. Toro la chirri miilal ittaaw yahiin laka, sartoo kaldache yeelaan. Sar Kiriisto laka a iꞌdaas on.

2 Koriinto 1:3

Waakh koolinno giꞌde. Us a Waakh ichoow Aabba Yeesso Kiriistohi Kamureene. Us a Aabbaheenki uur nugule toro la a Waakkhi kol dakkhan uur inno khoboocho.

2 Koriinto 11:31

Waakkhi Waakh ichoow Aabba Yeessohi Kamure jirtuu tuumman a lakoolicho. Ulla saggi waha tuummane an eldi been ieheynan a garta.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Galaatiya 3:9

ꞌDeerka ꞌdooꞌdi Kiriisto kakhuufo tuumman, iꞌdi Aburaahamhi Waakh kakhuufuu, Waakh icho ichoow usu ba a imaala.

Efeesso 1:10

Mala la a ki maanti ibeenneti labuuhicho titah layeelo, ꞌdee wihi lasoouume tuummane serey kijiro ichoow harra kijiro us matakkoo kalday iliche gesso, matakkaas la a Kiriisto.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

Efeesso 1:20

goorat Waakh Kiriisto omoot ka sookahche, toro us goobi Waakh ka anki dahantiisti miigeet koorromiche a too kalday.

Efeesso 2:6

Toro la wohoo kaldaye Waakh inno ichoow Yeesso Kiriisto inno kayeele ka, Kiriisto omoot a inno kaleesookahche, goobi Waakh ka komborti antoot inno kaleeorrommiche.

Efeesso 3:10

Ulla wihi us kamasse, toolla urur Kiriisto ka kharati Waakhe ittaawe karnatohi ginnayyohi anto lehe meessi saraat kijiro a abcha.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

Fiiliffi 2:11

toro la icho tuumman saggi Yeesso Kiriisto Kamur iyahe ꞌdow ka a cheekaane, ꞌdee Waakkhi Aabbaheene lasaaꞌda.

Ibiraaniya 8:5

Meessi lagane icho hili Waakh kahaaggichaan a oosim ichoow iyookkoti wihi goobi Waakh kajiro. Jeentetane maanti Muusa eemati Waakh lakawahti disin leheet, Waakh itootooche, wihi us iyidah, “Tabe, wihi at haaggisso tuumman ichoow iyookkoti goorat hali Sinnaay sartiis ka an kituse a israaheen.”

Ibiraaniya 9:23

Waha inno kayeyyeene a iyookkoti wihi goobi Waakh kijiro gone, saggaase liidikha. Iꞌdaasenyi wihi goobi Waakh kijiro wihi dikho, a soorriyoyyohi wihi harrata kussan.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.