Bakkaahit 9:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Weeli enenyete sooꞌhade sinayyoha ibakkin la uskeelicho ma kasoonokhan ba. Uliba ginnayyo ichoow iyookkoyyohi icho Waakh kayeessaan on wahtaan. Iyookkoyyoha ꞌdahab ichoow lahaag ichoow birtoo booran ichoow dagahe lakahaaggiche. Iyookkoyyoha la, indo ma khabaane, dogo ma khabaane, ma sohtaan la.

Bakkaahit 9:20 ပူးပေါင်းရင်းမြစ်များ

Mattaayo 21:32

Iꞌdi tahe Yoohanahi Enenyet Baattissiyo a atin iyimiyye ꞌdee jiti fissan atin tusa, atin la usu ma rummeysanne, iꞌdaasenyi ꞌdooꞌdi kooddi goocho ichoow malaayeyyo, iche usú rummeesté. Inkoo atin wahaas tuumman agarteen laka, yomboka uskeeliin ma ꞌdiinne, usu ma rummeysan.

Hilassi Ergaano 17:29

“Maantaka inno a nyaakhuti Waakh gone, kol Waakh iꞌdi iyookkoyyohi ꞌdahabyahe ommos iꞌdi lahaageetyahe ommos iꞌdi dagakki layeele yahe ommos iꞌdi iyookkoyyohi layeelo yahe uus inno koogeynan.

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 7:41

Maantaase iyookkotoo iꞌdi maartoo u haaggicheene, iyookkotaas soorriyo igoorraheen. Wihi icho dahanohicho ka haaggicheen inkaanyiteene kahamaadeen.

2 Koriinto 12:21

Jeenteti wahuu wihi an karooro maanti toro an atin iamiit Waakkheey ortiin ka a inuglaacha, an la jeenteti ꞌdooꞌdi buure uskeel iyeele uliba uskeelaas ikasoonokhan u a bolkha. Uskeelaas a wihi biꞌdire ichoow ꞌdooꞌdi isidisanne isleeurꞌdo ichoow sohoꞌddarriti icho yeeleen.

1 Timooti 4:1

Rubeyti Munyee saggi ibeenneta ꞌdaꞌddaboot ka ꞌdooꞌd gaasoo Kiriistohi us kakhuufo ikatabo a cheekta. Toro ꞌdooꞌdi rubeyohoo woyaane enenyet ekkeesti iche yeedicho raahaane toro la wihi ginnayyo enenyet abchaan laka raahaan.

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

Bakkaahit 16:8

Herti Waakhe affarnaatteet wihi baakhuuliche kijire orrah kakhubte. Orrah la miigti iche ꞌdab ka enenyet weyti gubto lasiiche.

Bakkaahit 9:19

Faraꞌdda miigticho aficho ichoow ꞌdubassichooda kijiraan. A mehe ꞌdubassicho a iꞌdi toofassi matahenyeti enenyet bolokh tusso khabto.

Bakkaahit 9:21

Toro la ꞌdooꞌd ogoossi dubunuunu lagelo ommos moroyyohi liirti ommos ꞌdooꞌdi isidisanne isleeurꞌdo ommos hatto ma kasoonokhan.