Bakkaahit 9:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Herti Waakhe channaatteet arabiche afuufte, anna bakkaaloo sereyta daayan ka harra kasoodihe arge. Waakh la bakkaalaas furoti afafhi ankhari dahane ieleelin siiche.

Bakkaahit 9:1 ပူးပေါင်းရင်းမြစ်များ

Luuka 10:18

Yeesso wihi us ilaabe, “Aa, a rum! Ani Seytaanki iꞌdi bakkaal u serey kasoodihe a arge.

Luuka 8:31

Ginnayyo la inonnokhteene Yeesso hawwaasteen, uus ankhari dahane ieleelin iergine.

Rooma 10:7

Toro la, “Iꞌda ma leessi, ‘Ayyo ankhari dahane ieleelin iyaga?’ ” ꞌDee iꞌdaakka Kiriisto iche omoot kasookahcha.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 1:20

Wihi dagsane at agarte, bakkaalleti teebeenye an dahanti miigeet kakhuccho ichoow reemassi ꞌdahabe teebeenye taa lakorcho miinsan kallaayo. Bakkaalleti teebee, herti Waakhe ururre Kiriistoti ilkerengeetohi teebee iche itoollaan. Reemassi teebeenye taa lakorcho la, ururreti teebeenye kooba ururoo itoolla.”

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 20:1

Ani la hertoo Waakh ichehi goobi Waakh kasookhubatti arge. Iche la furoti ankhari dahane ieleelin ichoow biingotoo miigenye khabta.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 6:13

Yiyyihimohi serey kijiro la iꞌdi khoonati hafar sesseehiche sookhubatti u, harra kasoodiddiheen.

Bakkaahit 8:10

Herti Waakhe seyyahnaatteet arabiche afuufte, bakkaaloo buurenye ꞌdab kabolkho la serey kasoodihe hawohi ꞌdulo ichoow indohi biccheet goya kadihe, goonan seyyah goyaka goonankoo goya kadihe.

Bakkaahit 8:12

Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 8:2

Ani la herti Waakhe teebeenye Waakh ortiis tolosso arge, icho la arab teeba lasiiche.

Bakkaahit 9:2

Chirri us afafhi ankhari dahane ieleelin fure ka, uunkoo iꞌdi ki ꞌdabi weyti buurenye labolkicheenye weyti daayan ankhar goya kasoobahe. Uunka ankhara kasoobahe orrah ichoow hafar mugꞌdi kayeele.