Bakkaahit 8:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.

Bakkaahit 8:5 ပူးပေါင်းရင်းမြစ်များ

Mattaayo 24:7

Sirgaalle a isdihta, karnato laka isdihaane, ilassi ittaawe ka nabhayye tamiite, harra laka sesseehta.

Luuka 12:49

“Ani a imiyye harra ꞌdab kabolkhicha. Incheenka la kootte ꞌdab a lakabolkhiche.

Hilassi Ergaano 16:26

Koloo kalday on harra weyti sesseehte ichoowka daddaabohi ilaate minassi jeela laka weyti korkokeen. Chirraas on afassi jeela tuumman furnameene, gaꞌdaarreti kootte ꞌdooꞌd lakahide la fuffuratte.

Hilassi Ergaano 4:31

Inkoo icho weesteen ka, meessi kootte icho kijiraan sesseehte. Rubeyti Munyee la icho tuumman buuhisse, Yeedi Waakh roorro laan cheekeen.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 11:19

ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 4:5

Kombortaas antoot la ankhad ichoow borooꞌd ichoow karkaraho kasoobahe. Kombortaas orche ka la oor teeba ꞌdab kabolkho jirta. Oorassa la a rubeyohi Waakhe teebee.

Bakkaahit 6:12

Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 8:3

Hertoo Waakhe addane khulaankoo ꞌdahabe uyuugge lakagubo khabto timiyye, koondihi gaꞌdaare ꞌdahab hagga tolossatte. Uyuuggeti buurenye lasiiche, iche la uyuuggeta weysiha ꞌdooꞌdi Waakhe koondihi gaꞌdaare ꞌdahabe komborti Waakhe antoot ortiis kajirto kakhayta Waakh ibihissa.