Bakkaahit 8:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Hertoo Waakhe addane khulaankoo ꞌdahabe uyuugge lakagubo khabto timiyye, koondihi gaꞌdaare ꞌdahab hagga tolossatte. Uyuuggeti buurenye lasiiche, iche la uyuuggeta weysiha ꞌdooꞌdi Waakhe koondihi gaꞌdaare ꞌdahabe komborti Waakhe antoot ortiis kajirto kakhayta Waakh ibihissa.

Bakkaahit 8:3 ပူးပေါင်းရင်းမြစ်များ

Luuka 1:10

Chirri sahaꞌddi uyuugge lagubo titah ka, ꞌdooꞌdi Waakh wahti tuumman khar ka kulme Waakhe wahtaa.

Rooma 8:34

Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Ibiraaniya 9:4

Inta la gaꞌdaari ꞌdahabe uyuugge lakagubo ichoow saanduukhi ayyinti raagane Waakh gooche ꞌdahab kaankubanyahe iche kijire. Saanduukha la wihi kijire, a khulaankoo ꞌdahabe gololoo manna layadeeh kijiro, ichoow wul Haruunti seeb kasoobahe, ichoow dagahtoo lammeenye babballaaddane amurreti ayyinti Waakh gooche kachiirantahe.

Bakkaahit 10:1

Toro hertoo addane Waakhe miige ichehi goobi Waakh kasookhubatti arge. Iche la mirisoo dakhane kaankubane matakkiche la moose kamarsan. Fooliche la iꞌdi orraheet u a ababa, luhlohiche la a iꞌdi tirrimmeti ꞌdabi buure.

Bakkaahit 14:18

Toro hertoo Waakhe addane antohi ꞌdab khabto koondihi gaꞌdaar kasoobahte. Hooyi buure ka herti warhanti af lehe gurnaan lakagoocho wihi iche itidah, “Warhantaahti af lehe gurnaan lakagoocho khaate, gurnaanki sabiibe harra kijiro soogur. Iꞌdi tahe gurnaanki sabiib a bissaate.”

Bakkaahit 5:8

Chuꞌus khaate ka, wahanyeyyohi affarenye lasoouume rubey khabo ichoow ewweenki tomon lamma ichoow affare ba Heleem ortiis ka il guꞌddeen. Kooba la reenkoo ꞌhaab layadeehe chirri geeyo ladowo laguꞌddo ichoow baakhuuli ꞌdahabe uyuuggi lagubo kajiro iche khaba. Uyuugga la weysihi ꞌdooꞌdi Waakhe itoolla.

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.

Bakkaahit 7:2

Hertoo Waakhe addan ichehi beri kasookorto arge. Iche la reenki ꞌdooꞌdi Waakkhi jiro lakasunto khabta. Herta Waakh la herti Waakhe affarenye harra ꞌdollohiche tolosso Waakh antohi iche harra ichoow beyohi burbuure weyti kagaameerto siiche hooyi buure ka kariirte, wihi iche icho itidah,

Bakkaahit 8:4

Uunki uyuugge ichoow weysihi ꞌdooꞌdi Waakh dahanti hertaas Waakh ka Waakh ortiis ka serey isleeirteen.

Bakkaahit 8:5

ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.

Bakkaahit 9:13

ꞌDeerka herti Waakhe lihnaatteet arabiche afuufte, ani la gaasohi affarenye koondihi gaꞌdaare ꞌdahab katoollo Waakh ortiis kijirto ka, hooyoo yeedo daage.