Bakkaahit 8:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 8:12 ပူးပေါင်းရင်းမြစ်များ

Mattaayo 24:29

“Uus sinayyohi maanassaas kutaan, “ ‘Orrahe a daayatta, yeyyah la banayhiis ma soobahcho, yiyyihimo serey a kasookhubtaane, miigti saraat la lakorkokicha.’

Mattaayo 27:45

Uus sahaꞌd lihti maalimeet ka il tuumman mugꞌdi yitahye, ichoowka sahaꞌd saagaale eleesse.

Marko 13:24

“Iꞌdaasenyi maanassaas sinayyohaas buure kuteen, “ ‘orrahe a daayatta, yeyyah la banayhiis ma soobahcho,

Marko 15:33

Sahaꞌd lihti maalimeet ka, il tuumman mugꞌdi yitahye, ichoowka sahaꞌd saagaale eleesse.

Luuka 21:25

“Orrah ichoow yeyyah ichoow yiyyihimo ba wihi ittaawenye saggi ibeenki ꞌdaꞌddaboot iyitah tuso kasoobahaan. Harra ka, ꞌdooꞌdi harra tuumman bicchehi yeedo ichoow irti biccheete kanaha.

Hilassi Ergaano 2:20

Geeddi ibeenki Kamure khummane toro girmee iitaahan, orrah a luurgiyicha mugꞌdi tateehe, yeyyah laka guꞌduutta koo diige yateeh.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Bakkaahit 12:4

ꞌDubiis ka, yiyyihimohi saraat goonan seyyah goyaka goonankoo soojiite, harra isookhube. Khorojebsiha weeli makhaabassi kootte soodesso orche tolossate, ꞌdee weel uus dessi yaham.

Bakkaahit 16:10

Herti Waakhe channaatteet wihi baakhuuliche kijire komborti antoote too binahi oraate kakhubte. Harrati binaha dakhtaan tuumman la mugꞌdi kalday titah. Jeenteti bolokkhi uskul u enenyet harrabbe iskhaniine.

Bakkaahit 6:12

Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 9:15

Herta Waakhe affarenye hili iche guꞌhaas ichoow haytaas ichoow maalinkaas ichoow sahaꞌddaas gesso liitannabiche la laꞌdiiche, ꞌdee weeli enenyet goonan seyyah goyaka goonankoo tagiis.

Bakkaahit 9:18

Sinayyohaas seyyahcho, ꞌdaba ichoow uunka ichoow jimbihiloha afi faraꞌde kasoobaheene, ꞌdooꞌdi harra kijiro goonan seyyah goyaka goonankoo yigaaseen.