Bakkaahit 8:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Chirri Heleem hanjati teebannaatteet bukkhiche ka, goobi Waakh ka sahaꞌd nyuusiche riirit ladaage mele.

Bakkaahit 8:1 ပူးပေါင်းရင်းမြစ်များ

Mattaayo 27:66

ꞌDeerka irteene daddaabti goꞌd lakoote wohoo usu lafure lakaabti kadagcheene, iskarti yaakhisso la ibahcheen.

Bakkaahit 5:1

Wihi kasookhuccho an arge a eti komborti antoot kafiddiyo dahantiisti miigeeet ka khadaaboo yuubane amam lammacho chiirane meel teeba hanja lakadagche khabo.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 6:12

Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 6:3

Chirri Heleem hanjati lammaatteet bukkhiche ka, wihi lasoouume rubey khabo, ki lammaatteet usuhi, “Kaale!” iyidah daage.

Bakkaahit 6:5

Chirri Heleem hanjati seyyahnaatteet bukkhiche ka, wihi lasoouume rubey khabo, ki seyyahnaatteet usuhi “Kaale,” iyidah daage. An yeye, orteey ka faraꞌdoo daayiti khaalkhee arge. Eti fuulo la rottole dahan kakhuccha.

Bakkaahit 6:7

Chirri Heleem hanjati affarnaatteet bukkhiche ka, an wihi rubey khabo affare, ki affarnaatteet usuhi, “Kaale,” yidah daage.

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.