Bakkaahit 7:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.

Bakkaahit 7:9 ပူးပေါင်းရင်းမြစ်များ

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Yoohana 12:13

Seytohi geeyi baar sookhaateene, baheene, Yeesso or kadoween. Chirra icho or kadowaan la a riiraane, “Waakh a lakoolicho!” “Waakh ki magahi Kamur kayamiit a imaale.” “Waakh Karnati Issiraayel a imaale!” iche essaan.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Efeesso 6:13

Maantaka gaaddi diho Waakh atin siiche tuumman gessada, ꞌdee maanti suujoon atin isoobaho ka jeyin tudduba. Toro la inkoo atin wahanyeyyoha yeesseen mujjum jeyin a tabuuꞌdiin.

Ibiraaniya 11:12

Kholoyyohi ittaawe ꞌdeerka makhaabala atteka yumuy iche kayimaateen. Nyaakhuti kholoyyoha ittaaw ka a geeddi yiyyihimohi saraate toro iꞌdi yoohti beyti buure afiche kijirtuu ekkees ma layabuuꞌd.

Ibiraaniya 12:22

Iꞌdaasenyi atin Hali Saayone isoodowwaatteen. Waha la a ilkerengeetti weene Yeerusaleeme goobi Waakh kijirto, a ilkerengeetti Waakkhi jiro. Waha la a inti herti Waakhe eluffe goosso, hamaad ka kulante.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 22:3

Falohi Waakh kola ilkerengeet goya ma kijiraan. Komborti antoote Waakh ichoow Heleem leeyahiin ilkerengeet goya kajirta, falfayyohi Waakh la intaase Waakh ikahilaan.

Bakkaahit 3:18

Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 5:11

An la yeye, hooyi herti Waakhe ittaaw ka ekkees liiubaaꞌdan daage. Herta Waakhe ittaawe la komborti antoot ichoow wihi lasoouume rubey khabo affare ichoow ewweenki tomon lamma ichoow affare khaarisse.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.

Bakkaahit 7:8

yaaf Seebulon a et alif tomon ichoow alif lamma, yaaf Yuussuf a et alif tomon ichoow alif lamma, yaaf Beenjameen la a et alif tomon ichoow alif lamma.