Bakkaahit 7:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ “Harra ommos beyohi burbuure ommos geeyo agaameerina, ichoowka falfayyohi Waakh tuumman sumatti Waakh miin a gelinno.”

Bakkaahit 7:3 ပူးပေါင်းရင်းမြစ်များ

Mattaayo 24:22

“Chiꞌ ibeennetaas liigaabin, etoo kalday laka ma sooꞌhado. Iꞌdaasenyi iroonoti ꞌdooꞌdiiski us soobahsatuu, ibeennetaas a lagaabicha.

Mattaayo 24:31

Ulla Herti Waakhe arabi fallee afuufto harra ierga, iche la ꞌdooꞌdi Waakh soobahsate harra ꞌdollohiche affarcho ichoow sereyta daayan ꞌdollohiche tuumman kasoobaayissa.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 3:33

Chiꞌ etoo yeediis kakhuufe, etaas saggi wihi Waakh yidah rum iyahiin, iche tusa.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Bakkaahit 13:16

Ulla weeli enenyet tuumman laka ihosse, ki ween ichoow ki rucchul, ki kamure ichoow ki miskiine, ki bowꞌdee ichoow ki bowꞌda ieheynan ba, ꞌdee dahanohichoki miigeet ka ommos miinassicho ka sumat a lagesso.

Bakkaahit 13:17

Iꞌda ka et walah gatti ommos walah ororicho mele sammata us sumatta ikhabin. Sumattaas la a magahi binahi oraate, ommos a sumatti ayti magahiis itolosso.

Bakkaahit 14:1

An ꞌdeerka yeye, Heleem orteey ka Hali Saayone fuula. ꞌDooꞌdi alif kudoo, alif tomon affar ichoow alif affare usuhi Heleem leejiro laka arge. Waha a ꞌdooꞌdi magahi Heleem ichoow magah Aabbahiis ba miinassicho kachiiranyahiin.

Bakkaahit 14:9

Hertoo Waakhe seyyahnaatteet ꞌdubicho tabte, hooyi buure ka wihi iche tidah, “Eti tuummane binaha ichoow iyookkotiche wahti, sumatti binaha la miin ommos dahan ka ꞌhele,

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 22:4

Icho la Waakh fooliis a argaane, magahi Waakh la miinassichooda lakachiira.

Bakkaahit 6:6

Hooyoo iꞌdi ki enenyete la wihi rubey khabo affare dahcho kasooyeede daage, wihi us yidah, “Chilimmeti eti orrahtoo hil haaggiche laguto kiilotoo ꞌdargaayye on bahta. Kiilo seyyah nyumumma laka chilimmeti eti orrahtoo hil haaggiche laguto on bahta. Subakki geeyi oolif ichoow farsoti sabiib la akheeroon.”

Bakkaahit 7:1

Waha ꞌdubicho ka, herti Waakhe affarenye harra ꞌdollohiche affarcho tolosso arge. Herta Waakh la hafarreti affarenye harra iche harrati angagan ichoow beyohi burbuure ichoow wihi geeye kajeyissa.

Bakkaahit 7:2

Hertoo Waakhe addan ichehi beri kasookorto arge. Iche la reenki ꞌdooꞌdi Waakkhi jiro lakasunto khabta. Herta Waakh la herti Waakhe affarenye harra ꞌdollohiche tolosso Waakh antohi iche harra ichoow beyohi burbuure weyti kagaameerto siiche hooyi buure ka kariirte, wihi iche icho itidah,

Bakkaahit 9:4

Geeyi harra ommos hoos laka agaameerina liidah. Iꞌdaasenyi eti tuummane sumatti Waakh miin ikakhabin sina kawaaricha iche liidah.