Bakkaahit 7:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Hertoo Waakhe addan ichehi beri kasookorto arge. Iche la reenki ꞌdooꞌdi Waakkhi jiro lakasunto khabta. Herta Waakh la herti Waakhe affarenye harra ꞌdollohiche tolosso Waakh antohi iche harra ichoow beyohi burbuure weyti kagaameerto siiche hooyi buure ka kariirte, wihi iche icho itidah,

Bakkaahit 7:2 ပူးပေါင်းရင်းမြစ်များ

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

2 Koriinto 1:22

sumattiis inno gesse toro la Rubeyti Munyee rubeyoheen goya gesse. Toolla Rubeyti Munyeenye inno siicha ꞌdee wihi us inno iayyicho us berri inno siicho rummaacha.

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Ibiraaniya 12:22

Iꞌdaasenyi atin Hali Saayone isoodowwaatteen. Waha la a ilkerengeetti weene Yeerusaleeme goobi Waakh kijirto, a ilkerengeetti Waakkhi jiro. Waha la a inti herti Waakhe eluffe goosso, hamaad ka kulante.

Bakkaahit 1:3

Waakh eti buugga eti Waákh íyeyyeedo chiire soomo a imaala. Toro la Waakh ꞌdooꞌdi wahaas daago toro wihi buugga goya kachiiran raaho a imaala. Iꞌdi tahe ibeenki waha yateehiin, a soodowwaate.

Bakkaahit 10:1

Toro hertoo addane Waakhe miige ichehi goobi Waakh kasookhubatti arge. Iche la mirisoo dakhane kaankubane matakkiche la moose kamarsan. Fooliche la iꞌdi orraheet u a ababa, luhlohiche la a iꞌdi tirrimmeti ꞌdabi buure.

Bakkaahit 10:4

Chirraas guugah kol teeba yeedeen ani la wahanyeyyohaas chiirin leheet. Iꞌdaasenyi hooyi goobi Waakh ka ileeyyeedo daage, “Wihi guugakkaas teebee yidaaheen achiirine dagi,” iyidah.

Bakkaahit 16:12

Herti Waakhe lihnaatteet wihi baakhuuliche kajire hawti buurenye ꞌdusso Yuufereet kakhubte, bicchehiche angageene, ꞌdee karnatohi beri kayamiit jit iyeessa.

Bakkaahit 5:2

Toro hertoo Waakhe miigenye hooyi buure ka riirte arge. Wihi iche tidah, “Ayyo muꞌdane hanja bukkhicha, ꞌdee khadaaba yuuban fura?”

Bakkaahit 8:3

Hertoo Waakhe addane khulaankoo ꞌdahabe uyuugge lakagubo khabto timiyye, koondihi gaꞌdaare ꞌdahab hagga tolossatte. Uyuuggeti buurenye lasiiche, iche la uyuuggeta weysiha ꞌdooꞌdi Waakhe koondihi gaꞌdaare ꞌdahabe komborti Waakhe antoot ortiis kajirto kakhayta Waakh ibihissa.

Bakkaahit 9:14

Hooya la herti Waakhe lihnaatteete arab khabto leeyeede, wihi us iyidah, “Herti Waakhe affarenye hawti buurenye ꞌdusso Yuufereet layadeeh ka hidan soofur.”

Bakkaahit 9:4

Geeyi harra ommos hoos laka agaameerina liidah. Iꞌdaasenyi eti tuummane sumatti Waakh miin ikakhabin sina kawaaricha iche liidah.