Bakkaahit 6:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 6:12 ပူးပေါင်းရင်းမြစ်များ

Mattaayo 11:21

“Atinhi ilkerengeetti Choorasin taalliin sinati atin sugto eenna a buure! Atinhi ilkerengeetti Bessaayda taalliin sinati atin sugto eenna a buure! Iꞌdi tahe chirri wihi ittaawenye weeli enenyet yeelin iubaaꞌdane goytiin ka layeele goorat ilkerengeetti Tiiro ichoow ti Siidon ka layeele, ꞌdooꞌdaas arraagane uskeelicho kasoonokhte, ꞌdeerka ingaꞌdaaꞌdiyyo gessate, bombey kadowte.

Mattaayo 24:29

“Uus sinayyohi maanassaas kutaan, “ ‘Orrahe a daayatta, yeyyah la banayhiis ma soobahcho, yiyyihimo serey a kasookhubtaane, miigti saraat la lakorkokicha.’

Mattaayo 24:7

Sirgaalle a isdihta, karnato laka isdihaane, ilassi ittaawe ka nabhayye tamiite, harra laka sesseehta.

Mattaayo 27:45

Uus sahaꞌd lihti maalimeet ka il tuumman mugꞌdi yitahye, ichoowka sahaꞌd saagaale eleesse.

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Mattaayo 28:2

Harra weyti sesseehte, a mehe hertoo Kamur goobi Waakhe katimiyye goꞌd iratte, daddaab ꞌdembeleeliite, daddaab sarche koorrommatte.

Marko 15:33

Sahaꞌd lihti maalimeet ka, il tuumman mugꞌdi yitahye, ichoowka sahaꞌd saagaale eleesse.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 16:18

ꞌDeerka ankhad ichoow borooꞌd ichoow karkaraho ba soobaheene, harra la weyti sesseehte. Uuꞌ Waakh harra soouume, injire harra geedda ma sesseehin, a mehe harra saggoo uskule isesseehte.

Bakkaahit 16:8

Herti Waakhe affarnaatteet wihi baakhuuliche kijire orrah kakhubte. Orrah la miigti iche ꞌdab ka enenyet weyti gubto lasiiche.

Bakkaahit 8:12

Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 8:5

ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.