Bakkaahit 5:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ꞌDeerka ewweenkaas kichekoo wihi us ani iyidah, “Ooyin! Yey, ki Bahassihi yaaf Yuuda layadeehe, Hiiy karnati Dawuud layadeehe, walah dakkhan a sooriche. Usu muꞌdane hanjayyohaas teebee bukkhicha, khadaabaas furin yabuuꞌd.”

Bakkaahit 5:5 ပူးပေါင်းရင်းမြစ်များ

Luuka 23:28

Yeesso la wihi us deyyehota iyidah, “Deyyehoti ilkerengeetti weene Yeerusaleem, ani iooyina, atin on isooya, toro la nyaakhutiin ooya.

Luuka 7:13

Kamur chuꞌus makhaabál arge ka, uur isoonugleeste wihi us iyidah, “Ooyine chubbah!”

Luuka 8:52

Geeddaas la enenyet tuumman jeentetichuu a uuwwicha ooya. Yeesso la wihi us yidah, “Uuwwinna! Weel ma umaatane iꞌdaasenyi a urꞌda!”

Yoohana 20:13

Herti Waakh wihi iche Maariya worsatte, “Weela a iꞌdoh iooyta?” Maariya la wihi iche tidah, “Sar Kamuraaya lakhaate, inti lagesse la ma gardi!”

Rooma 1:3

Weeliissa miinsanyahe, ulla a Yeesso Kiriistohi Kamureene. Sartiis la a sarti weeli enenyete, ulla hiiy karnati Dawuud layadeehe kayimiy.

Rooma 15:12

Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Ibiraaniya 7:14

A mehe enenyet tuumman saggi Kamureen yaaf Yuuda ikayimiy a garta. Muusa la maanti us wori kuhaaniyyoot kaayyeede, yaafta magah laka ma wahin.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Bakkaahit 4:10

ewweenki tomon lamma ichoow affare Waakh ortiis ka jilbo il kaguꞌdda, Waakkhi jirtuu tuumman jiro wahtaan. ꞌDuubassicho komborti antoot orche yassilliine, wihi icho dowtaan,

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 5:4

Jeenteti etoo kaldaye muꞌdane khadaaba furo ommos goya yeyo liiꞌhelin u, an weyti ooye.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 7:13

ꞌDeerka ewweenkaas kichokoo wihi us iworsate, “ꞌDooꞌda kabuuꞌddeta khabo a ayyo illeh? Toro la intoh kayimaateen?”